Roma 10:6 - Iaai Bible 1901 (New Caledonia)

⁶ Ke haba hwakecin ae wisa ûnyi hnyi labageju ame ha helâng, ka habe, ca ha bi eû hnyi hnyekom, ka habe, Ie at ame he ka ölö hnyidranyai? (wale he ka hum Keriso but:)

Roma 10:6 ပူးပေါင်းရင်းမြစ်များ

Ta je Vejec 30:4

Ie at ame ölö hnyi dranyai me ut hmetu but? Ie at ame ûkhöûnâ ang hnyi li hnyamen? Ie at ame lan köiö hnyi ûkhaûen? Ie at ame otilâ hia je can hmeledrany? Ia ien ke ia ien nokon ame ne khanö u?

Ioane 6:33

Anyin a areto anyin Khong, me wale at ame utut ûnyi hnyi drany, kʼ ame ham möt ka hmeledrany.

Ioane 6:38

Anyin oge me ca utut ûhek hnyi drany he ka mâdrâ wek, ke so i bi weny at a kunö nya.

Ioane 6:58

Walang areto ame utut ûheny hnyi drany: ca helâ me hna han hnen lakamen ke adre me mokcu: haba at ame han areto ang, me ame he ka möt nyiele balua.

Roma 3:22

wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi;

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

Roma 4:13

Anyin adre ca habânâ bi kö Aberahama me je mâtrâniny a gʼ ame he ka hu hmeledrany me hwajekhon, ûnyi ge hnanyibu, ke so bi ûnyi ge hwakecin ae wisa hnyi labageju.

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.