Roma 10:16 - Iaai Bible 1901 (New Caledonia)

¹⁶ Ke adre me ca long hia hoton ûthumetu ae so. Anyin a haingö Isaia, ka habe, Than lö, ia ame kap anyihmun ûthumetu?

Roma 10:16 ပူးပေါင်းရင်းမြစ်များ

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 53:1

IE at a kap anyihmun ûthumetu? kʼ adre hia but omanenâ kö ia benyi Iehova?

Mataio 13:14

Me hwâdâ but kodra hna perofeta hnö Isaia, ka habe, Öbun e he ka long ge hnyeköny, me ca wâ ûnykûme bi; Kʼ öbun e he ka wâ ge ecmak, me ca he bi ka khana:

Ioane 10:26

Ke öbun e ca kap anyin a ca halek ta je mamoe bi öbun.

Ta je huliwa 28:24

Haba keihen adre me kap hofuc e ame ba, kʼ ame ca kap bi keihen.

Roma 1:5

öhmun e kap betenge baû a deny e, me hanymen aposetolo, mʼ adre me he ka long hoton hna labageju hnyi ta je hnyei hia ûnyi ge ien:

Roma 11:17

Ke adre ne thu degecâ but ke je anginy, ke u elaioiny hnyot adre ûhûjâköuâ unyidra, ke u me tha hu mödrin iwân me dân elaio;

Roma 16:26

ke manen dut walang ang, ke adre hia but omanenâ, ûnyi hnyi hna sihnalimen hnen ta je perofeta, ke hoton hna hûna hnen Khong a nyiele balua ka ta je hnyei hia, madre me he ka long hoton labageju;

Roma 2:8

ke hmonyin me wathethot ka tavat adre me hûkötö, me tavat adre me ca long bi hnathu, ke adre me long hoton hwakecin ae ca wisa,

Roma 3:3

Eja ke ne adre ne ca labageju keihen, me ieû thö? e khana anyidra ca labageju he ka oûnyibâûâ hwakecin ae hnathu anyin Khong?

Roma 6:17

Ke oleâ ju ka Khong, anyin a öbun e bi athnyabainy hulo ehac, ke walang ang öbun e long ge hnyekubun hoton tulutiny hofuc adre me hnʼ öbun ka hnyin;

Galatia 3:1

AT Galatia ae monu lö, adre me sihnalimen hnyi je hnyimaköbun Iesu Keriso at adre osatauroa, ke ie at ame iyâwʼ öbun?

Galatia 5:7

Öbun e hia but wadring so; ia ovheli Öbun mʼ öbun e ca he bi ka long hoton hnathu?

II. Thesalonika. 1:8

hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso:

Heberu 11:8

Hnen labageju Aberahama ame löng hoton, waleji adre hawâ he ka he ka hnyi ke hnyei e ame he ka hu me hnân hwajekhon; me e ame he thö ke ca khana dok e ame he ka hnyin.

Heberu 4:2

Anyin adre hia but khetâ köta je ûthumetu ae so helâ mʼ ödra: ke ba troban kodra hofuc adre me löng, anyin adre me ca ûhûjâköu ödra hnen labageju me tavat adre me löng.

Heberu 5:9

ke adre me obekhötâ e, me adre me wia e hnân hwecin möt ame ca ba balua kodra hia adre me long kâu;

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 2:8

me Veto hnân othoâ, me kic hnân öüo; anyin adre me thö thö hnyi hofuc, anyin adre me ca labageju: ke adre me ip ödra hnân ûnyi eling.

I. Peteru 3:1

HELÂE minya öbun omomo löng ju hoton laöiöbun; mʼ adre me he ka hmehmelâ ge hwakecin laöiödra ae so, ke ca hnen bi hofuc, a ne hu tavat gadra adre me ca löng hoton hofuc;