Roma 10:12 - Iaai Bible 1901 (New Caledonia)

¹² Anyin a ca ke bongon bi at Juda me at Heleni: anyin a khaca thibi Tuhan hia, at ae tren ta je ûnyi hobi kâu tavat hia adre me hawâ e:

Roma 10:12 ပူးပေါင်းရင်းမြစ်များ

Salamo 145:18

E hakekeny Iehova kodra hia adre me hawâ e, A tavat hia adre me hawâ e hnyi hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Isaia 55:6

Elom Iehova thʼ öbun, e me tiga ûen he ka wâ e, hawâ thö e, e me tiga hakekeny:

Ta je huliwa 7:59

Ke adre me lûö Setefano, kʼ ame tiga hic me ha, ka habe, Than Iesu lö, kap ju hanuk.

Ta je huliwa 9:14

ke e hu anyin dut musi eang ûnyi ge je taben tavat bihut he ka cʼ ödra hia adre me hawâ iâm.

Roma 14:9

Anyin a mokcu Keriso ke möt hmetu thö, me me he ka Tuhan tavat adre mokcu me tavat miny; ae möt.

Roma 15:12

Ke wale hmetu ang, haingö Isaia, ka habe, Ame he ka hu iwân ûnyi ga Jese, Ke at ame tot he ka muso Aten ta je hnyei; Ame he ka labageju kâu hnen Aten ta je hnyei.

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Roma 3:22

wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi;

I. Korinito 1:2

ohmu me sihnalimen ka ekalesia anyin Khong hnyi Korinito, wale tavat adre me okabi ödra unyi Iesu Keriso, kʼ adre me hawʼ ödra me wakap, tha ödra me tavat hia thithö hnyi je dok hia adre me hawâ ien Tuhöta a Iesu Keriso, a Tuhödra ke Tuhötin:

I. Korinito 15:47

Ûnyi eang hmeledrany at a bân, aten kânâ: ke ûheny hnyi drany at a loiny.

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Galatia 3:28

Ke ba hmetu at Juda, ke ba at Helene, ke ba at hwenbâ, ke ba at he baû, ke ba baga, ke ba momo; anyin a khaca thibi öbun hia unyin Keriso Iesu.

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

Efeso 2:7

me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Efeso 3:16

me me he ka ham köbun, hoton ûganiny anyin hmanenang, he ka ohwegi öbun ge man ûnyi hnyi Hanu hnyin at eû hnyi hnyibun;

Efeso 3:6

a gʼ ame he Aten ke je hnyei ka hnyi hu minya, me hnyi hanen unyin, me hnyi kap ta je ûnyi adre ha bânâ ge Keriso ûnyi ge ûthumetu ae so,

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Filipi 2:11

me me he ka ha manenâ ta je bohmen hia thithö a Iesu Keriso thibi Than, hnân ogânâ Khong a Kamen.

Filipi 4:19

Ke ame he Khonguk he ka ham ta je ûnyi ae ûcû köbun, hoton hna ûkhöûnâ anyin hmanenang unyin Keriso Iesu.

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 3:11

ke ba bi unyin at Heleni me at Juda, me tavat adre me peritomonâ me ca peritomonâ, me aten je hnyei, me at Sekuthia, me athnyaba, me at he baû: ke haba Keriso, me ta je ûnyi hia, ke unyin hia.

I. Timoteo 2:5

Anyin a khaca thibi Khong, ke khaca thibi at ame khöûâ tavat ka Khong, a ka at bi, wale Keriso Iesu,

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.