Roma 1:8 - Iaai Bible 1901 (New Caledonia)

⁸ Inya oge me bök ka oleâ ka Khonguk, a deny Iesu Keriso, gabun hia, anyin ame lung anyibun labageju hnyi hmeledrany hia.

Roma 1:8 ပူးပေါင်းရင်းမြစ်များ

Mataio 24:14

Ke adre me he ka khetâ ûthumetuiny dökhu ang hnyi hmeledrany hia hnân ohnatho ka ta je hnyei; me ame he ka o but obiny.

Luka 2:1

HABA hnyi je bong e, ame he but hnanyibu ûnyi ga Kaisara Auguso he ka sihnalimen aten hmeledrany hia.

Ta je huliwa 11:28

Ke ame todrö ke at gadrin, Agabo ien, me omanenâ ge Hanu a gʼ ame he ka hu hmiâ ae gan hmâ hnyi hmeledrany hia: wale a hwâdâ thö hnyi ûö Kalaudio.

Ta je huliwa 28:22

Ke e wehmun he ka long gam ûnykûmenâm: anyin ae khanʼ ohmun a gʼ adre me haikongoâ hnyi je dok hia hmi ang.

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

Roma 16:19

Anyin ame lung hnobun hna ûling unyin tavat hia thithö. Anyin a wale inya oge me senyin gabun: ke e wek bi, a e so öbun e metâ but hnyi ta je ûnyi ae so, me ca khanʼ öbun ta je ûnyi ae kong.

Roma 6:17

Ke oleâ ju ka Khong, anyin a öbun e bi athnyabainy hulo ehac, ke walang ang öbun e long ge hnyekubun hoton tulutiny hofuc adre me hnʼ öbun ka hnyin;

I. Korinito 1:4

Inya oge me ole bala ka Khonguk gabun, can ibetengiö baû adre ham köbun ga Iesu Keriso;

II. Korinito 2:14

Ke ole ka Khong at ame odökhu öhmun bala ûnyi ge Keriso, kʼ ame omanenâ ûnyi gahmun bunen metâ gan hnyi ta je hnyei hia.

Efeso 1:15

Waleling, inya oge me long anyibun labageju ka Than Iesu, ke manen e ka wakap hia,

Efeso 1:16

me oge me ca menâ ole gabun, oge me bai öbun hnyi hijik je hic:

Efeso 3:21

me so adre ogânâ e hnyi ekalesia me hnyi Keriso Iesu hnyi ta je dö hia nyiele nyiele balua. Amen.

Efeso 5:20

ke ole bala ju ta je ûnyi hia ka Khong hnyi ien Tuhöta Iesu Keriso;

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Filipi 1:3

Inya oge me ole ka Khonguk hnyi hnok ta je hna ûnykûmi öbun hia,

Kolose 1:3

Öhmu me ole ka Khong a Kamen Tuhöta Iesu Keriso, me labö hic bala hobi köbun,

I. Thesalonika 1:2

Öhmun e labö oleâ ka Khong gabun hia, ke ökmun e hai öbun hnyi hijihmun ta je hic;

I. Thesalonika 2:13

Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.

II. Thesalonika. 1:3

Hamöhmun he ka ole bala ka Khong gabun, hnyat me lakeiny, anyin ae ûcû e, anyin ame ti kû hmonyin anyibun labaʼ geju, kʼ ame si but anyibun ibetengiököu hia thithö;

II. Timoteo 1:3

Inya oge me ole ka Khong, waleji oge me huliwa kâu hwân ge je lakibik hnyi oûnykûm sâ ae wisa, a oge me ca menâ ûnykûmi u hnyi hijik je hic hnyi lit me lany

Filemona 1:4

Inya oge me ole bala ka Khonguk, me haiö u hnyi hijik ta je hic,

Heberu 13:15

Anyin a wale e so ate me hudo bala hudiny ogânâ Khong a deny e, wale wan ta je esongodita ame hâiâ ien.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.