16 Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.
Haba at ame he ka hmehma gak me hok ta je hofuc hnyi dö ang, a dö bi ûnyi monu, kʼ ame ânyâ ta je hulö, me ame he bi Nokon at ka hmehma gan hnyi ûen e ame tha o me ta je angela ae kap hnyi hmanenanginy Kamen.
Ke haba at ame he ka hmehma gak me hok ta je hofuc, me ame he bi Nokon at ka hmehma gan, e ka tha o me anyin hing hmanenang, me hmanenanginy Kamen, me ta je angela ae kap.
Me haba at Juda adre me ûhnenamököuâ, ka habe, Ewa dok ame he at ang ka he ka hnyin mʼ ate me ca he bi ka wâ; hawa, e ame he ka he ka tavat adre vese unyin at Heleni, me nâ at Heleni?.
hnen maniny ta je haten me ûöman, me man maniny Hanu Kap; wale a hwân hnyi Jerusalema igigilo ke ne o but hnyi Iluriko oge me khetâ ûthumetu ae so anyin Keriso;
ke e ame kap haten, wale peritom, hnân bi haten hwakecin ae wisa, a anyin labageju kʼ adre tiga ca peritomonâ: me me he ka kamen tavat hia adre me labageju, kʼ adre ne ca peritomoni ödra, mʼ adre me hâiâ hwakecin ae wisa kodra;
A ne munyi ânyâ wisa eling gabun hnen keihen, hawa e ca ti ûcû kohmun he ka munyi ânyâ? Ke so bi ohmun e ca vheno wisa eling; ke ohmun e hokhnyokâ ta je ûnyi hia thithö, wâ ohmun nye ovhelâ ûthumetu ae so anyin Keriso.
Ke ieû hwaban könya? Walang, iny ka he ka khetâ ûthumetu ae so, oge me he ka ham bâûâ ûthumetu ae so anyin Keriso, me oge me ca he ka musi hwege hnyi ûthumetu ae so.
wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.
anyin adre me ogânâ Khong hnyi haten huliwa eang, me hnyi hnobun hna long hoton uthumetu ae so anyin Keriso, wale öbun e hom, me hnyi ibetengiö ae gan hmâ kodra me tavat hia;
Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.
Can e oge me vecâ ta je ûnyi e; ke inya oge me ca hmehma bi; anyin oge me wâhmakhmeto but e, waleji at oge me labageju kâu, ke mou thö hnyi hnyekuk a e khana he ka tuö hnok hna hna kâu, ke ne o but hnyi bong e.
Anyin a wale u me ca he ka hmehma he ka ohnatho Tuhöta, ke gak bi inya at adre cö nya: ke so bi, u me he ka hnyi hanen ta je vecin uthumetu ae so hoton man maniny Khong;
Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.