Roma 1:13 - Iaai Bible 1901 (New Caledonia)

¹³ Hnyat me lakeiny lö, e wek e me hnyi khanʼ öbun, a iny osehia ûnykûme he ka he köbun, (ke hu hna ovheli nya ke ne o but walang ang), me me hu gak ke je wan ûnyi gabun, helâ me hnyi ke keihen Aten ta je hnyei.

Roma 1:13 ပူးပေါင်းရင်းမြစ်များ

Isaia 27:6

Hnyi ûen ame he ka o me ame he Jekob ka hu iwân; kʼ ame he Isaraela ka vhei me vhong: kʼ ödru me he ka ounöngötâ hon hmeledrany ge ta je wan ûö.

Ioane 12:24

E hnathu, e hnathu, inya oge me ha köbun, A ne kolu ka hnyi kânâ ke wan hwit, ke ame ca bobot bi, ame he ka hake mokut; ke a ne bobot, ame he ka wa se hia.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 4:36

Haba at ame hiny, me e ame kap hwaban, kʼ ame ûkhöûnâ troban hobi kâu möt ame ca ba; me me tha senyin at ame tā me at ame hiny.

Ta je huliwa 1:15

Haba hnyi ûen eling, Peteru ame tot hnyi wanben je liamekeiny (haba ûseidra eling me helâke me wan haded ke twente) ke ame ha, ka habe,

Ta je huliwa 14:27

Ke ödru me o but, me ödru me ûkhacaköuâ ekalesia, me omanenâ ta je ûnyi hia thithö ame tha ânyâ mödru Khong, waleji a gʼ ame khöng hwanumen labageju ka Aten ta je hnyei. Ke e beû bi hnödru hna tha laba me laten.

Ta je huliwa 15:12

Me ame laba hnyibû but ûkhacaköu hia; me adre me vehling Banaba me Paulo ödru me ûthumetu ge je haten me je ûöman ame ânyâ Khong ûnyi gadru unyin Aten ta je hnyei.

Ta je huliwa 19:21

Hwaban ta je ûnyi e, Paulo ame ip hmâ hnyi hnyekon, e ka um dö vheno Makedonia me Akaia, he ka he Jerusalema ai, haingen, ka habe, Iny ka mwi but e, me hamök he ka wâ minya Roma.

Ta je huliwa 21:19

Ke ame italofa mʼ ödra, me e ame omanenâ gaga ta je ûnyi ame ânyâ Khong unyin Aten ta je hnyei hnen anyin huliwa.

Ta je huliwa 28:14

ke öhmun e wâ eling je liamekeiny, tavat adre me khöû köhmun he ka laba unyidra hnyi seven je bong: me öhmun e o but hnyi Roma.

Roma 1:12

wale me me tha kawkahwa hnyekuk mʼ öbun, hnyi anyitin tha labageju.

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Roma 7:1

HNYAT me lakeiny lö, e ca khanʼ öbun (anyin a inya oge me ha ka! tavat ae khanʼ ödra wia hnanyibu,) a gʼ ame muso at hnen hnanyibu hnyi ûen anyin möt hia?

I. Korinito 1:10

Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca.

I. Korinito 10:1

HNYAT me lakeiny lö, e ca wek e me ca khanʼ öbun a ga mwi hia laka-möta hnyi hmelen ûlâ, ke adre me gethen hia hnyi köiö;

I. Korinito 12:1

HNYAT me lakeiny lö, e ca bewek e me ca khanʼ öbun bongon bwihlany anyin hanu.

I. Korinito 14:20

Hnyat me lakeiny lö, ca hnyok wainkong bi Öbun hnyi ûnykûme: ke so bi hnyok mendreng hnyi ûokonguny, ke hnyok at hnathu but hnyi ûnykûme.

I. Korinito 14:26

Hnyat me lakeiny lö, ame he ka hawa? Öbun ka ûkhacaköu, öbun e ve hom ke khumöng, me hna sihwege, me hna omanenâ, me hwen ke hnyei, me hna wia. E so he ka ânyâ ta je ûnyi hia hnân okahwa.

I. Korinito 9:2

Eja ke ne oge ne ca aposetolo ka keihen, me iny aposetolo bi köbun: anyin a haba öbun, me haten hnân ohmâ hnyi Than a iny aposetolo.

II. Korinito 1:8

Hnyat me lakein lö, e ca wehmun e me ca khan öbun ge vec a o kohmun hnyi Asia, waleji adre me ti ohmakʼ öhmun ae gan hmâ hon tang hwegiöhmun, waleling me öhmun e ca ûnykûme hmetu bi he ka möt:

II. Korinito 2:14

Ke ole ka Khong at ame odökhu öhmun bala ûnyi ge Keriso, kʼ ame omanenâ ûnyi gahmun bunen metâ gan hnyi ta je hnyei hia.

Galatia 3:15

Hnyat me lakeiny lö, oge me ha helâ me hwan at: ka habe, Eja ke ne a ne ûhihinyköu anyin at, kʼ adre hia but ohmâ, me ba at ame he ka thang, me bi hanen hmetu.

Galatia 6:18

Hnyat me lakeiny lö, e na e ju hnyi je hanubun ibetengiö baû anyin Tuhöta Iesu Keriso. Amen.

Filipi 1:22

Ke ame ne wan thibi anyik huliwa, ka habe, he ka möt hnyi unyin— awe, e ca khanö nya hnok hna he ka ûca.

Filipi 4:17

Ke oge me ca elâm bwihlany; ke oge me heleû wan bi, me me se hia but troban köbun.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

I. Thesalonika 2:18

anyin öhmun e behe köbun, inya Paulo, a okhaca me olo; ke ame ovheli öhmun Satana.

I. Thesalonika 4:13

Hnyat me lakeiny lö, e bewehmun e me khanʼ öbun bongon tavat adre me mokut ut; mʼ öbun e ca he ka tenge helâ me keihen ae ba geju gadra.

II. Thesalonika. 2:7

Anyin ame huliwa walang ang ûnyi ae iyong hnyi hulo: ke e hu at ame ovhelâ walang ang, ke ne o but adre me hom e.

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.