Roma 1:1 - Iaai Bible 1901 (New Caledonia)

¹ INYA Paulo athnyabai Iesu Keriso, adre me hawâ hnân aposetolo, kʼ adre ûca hobi kâu ûthumetu ae so anyin Khong,

Roma 1:1 ပူးပေါင်းရင်းမြစ်များ

I. Man Ûlabainy Je Than. 23:13

Haba li laku Amerama; me, Arona, me Mose; ke adre me hake ip Arona me me he ka okabâ ta je ûnyi ae ti kap, a e me lakon nyiele balua, he ka leû utö ae bo so hnyi hnyimakö Iehova, me huliwa kâu, me hahnahicâ tavat hnyi ien nyiele balua.

Isaia 49:1

LING nya ju öbun je bomene; ke tevehlöng ju öbun ta je hnyei ae sâkâû: Iehova ame ha iök ûnyi hnyi hnyok; kʼ ame ha iök ûnyi hnyi hnyeku bai:

Jeremia 1:5

Oge bok ka ö u, ke ödra tiga ca up u hnyi hnyok, ke oge bok ka okabi u, ke u tiga ca o bi ûhem hnyi hnyok; oge hia but ip u hnân peropeta ka ta je hnyei.

Mareko 1:14

Ke hwaban hna cö Ioane, Iesu ame o hnyi Galelaia, ame khetâ ûthumetu ae so anyin Khong, ka habe,

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ioane 15:15

Oge me ca ha hmetu, ka habe, lathnyaba; anyin ae ca khana athnyaba ûnyi a ânyâ tuhan: ke oge me hai öbun a lahanök; anyin a haba ta je ûnyi hia oge me löng ûnyi ga Cica, mʼ oge hia but omanenâ köbun.

Ioane 15:20

Ûnykûme ju hofuc oge me ha köbun, ka habe, E ca gan athnyaba hon tuhan. Adre ne hia but oveci nya, adre me he bi ka oveci öbun; ke adre ne hia but vheno hok hofuc, adre me he bi ka vheno hobun hofuc.

Ta je huliwa 13:9

Ke haba Saulo (wale Paulo) a unöngötö ge Hanu Kap, e ame wâ hmâ e,

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Ta je huliwa 21:40

Ke ame hna e, me ame tot Paulo hnyi wacûat me hinôbeny hon tavat; ke adre bia but ohnyibö but, me e ame fuc hnyi hwen Heberu, ka habe,

Ta je huliwa 22:21

Ke haingen ame ha könya, ka habe, He thö, anyin oge me he ka kunö u sâkâû ai ka aten ta je hnyei.

Ta je huliwa 22:7

Ke oge me ta but hnyikânâi, ʼ me long hofuc ame ha könya, ka habe, Saulo, Saulo lö, ieû gam u me okongu nya?

Ta je huliwa 26:1

HABA Ageripa ame ha kö Paulo, ka habe, Hamâm he ka haiö u. Haba Paulo ame lau but hnyamen me ka hâiâ e bi, ka habe,

Ta je huliwa 26:14

Ke ohmun e ta hia ju eû hnyi kânâ, me inya oge me long hofuc ame ha könya, me ha hnyi hwen Heberu, ka habe, Saulo, Saulo lö, ieû gam u me okongu nya? u me ka oveci u me hûke je homakan ö.

Ta je huliwa 27:23

Anyin a mwi unyik eja hnyinghet angela anyin Khong wale at oge me bi athnyabainy, ke oge me huliwa kâu,

Ta je huliwa 9:15

Haba Than ame ha kâu, ka habe, He thö, anyin adre ûca e hnân anyik utkaia he ka kap tilâ iök ka Aten ke je hnyei, me ta je than, me lakon Isaraela:

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

Roma 1:5

öhmun e kap betenge baû a deny e, me hanymen aposetolo, mʼ adre me he ka long hoton hna labageju hnyi ta je hnyei hia ûnyi ge ien:

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Roma 11:13

Ke oge me ha köbun Aten ta je hnyei. Ke anyin a inya ang aposetoloiny Aten ta je hnyei, me inya oge me ogânâ hanymök:

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

Roma 15:29

Ke e khanö nya, a iny ka he ka he köbun, me oge me he ka o but hnyi unöngötiny hnahic ge Keriso.

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

I. Korinito 1:1

INYA Paulo, at adre hawâ hnen weny Khong hnân aposetolo anyi Iesu Keriso, me Sosethene a liamekeiny möta,

I. Korinito 9:1

HAWA, adre ca hna bâûö nya? ca aposetolo bi nya? oge me ca hnyi ō Iesu Keriso a Tuhöta? ke ca anyik huliwa öbun hnyi Than?

II. Korinito 1:1

INYA Paulo aposetolo anyin Keriso Iesu ûnyi ge weny Khong, ke Timoteo a liamekeiny mʼ öta, ohmu set ka ekalesia anyin Khong hnyi Korinito, tha ödrin me wakap hia thithö hnyi Akaia hia:

II. Korinito 11:5

Anyin a inya oge me ûnykûme a ca ûnyûkong bi nya hnyi melen je aposetolo ae nua hnyi ke ûnyi a khaca.

II. Korinito 11:7

Hawa, iny monu anyin oge me ka ohnyikönö nya mʼ öbun e görany dut, ke ûnyi hnyi hnok hna khetâ köbun ûthumetu ae so anyin Khong köbun ke ba hwaban?

II. Korinito 12:11

Iny monu but: öbun e kunö nya; anyin ae ûcû köbun he ka haisoi nya: ke eja ke ne oge ne ca ûnyi hnathu bi, ke so bi ca inya bi hmelen ta je hing aposetolo.

II. Korinito 2:12

Haba hnyi ûen eji oge me o hnyi Troas me ûthumetu ae so anyin Keriso, ke adre khong hwanuma könya ûnyi hnyi Than,

II. Korinito 4:5

Anyin a öhmun e ca kheti öhmun, ke Keriso Iesu a Than, ke öhmun je lathnyabaibun ga Iesu.

Galatia 1:1

INYA Paulo aposetolo (ca ûnyi ge at, ke ca hnen minya bi at, ke hno Iesu Keriso bi, me Khong a Kamen, waleji a omelö hmetu thö ûheny hnyi hna mok),

Efeso 1:1

INYA Paulo, aposetolo anyin Keriso Iesu ûnyi ge weny Khong, oge me sihnalimen ka wakap hnyi Efeso, me tavat adre me labageju ka Keriso Iesu:

Efeso 1:13

waleji öbun minya, öbun e long hofuc ae hnathu, wale ûthumetu ae so hnân hobi kâu anyibun möt, —waleji öbun e labageju kâu, kʼ adre me otethmʼ öbun hnen Hanu Kap waleji adre me ha bânâ,

Efeso 4:11

Ke e ame wia keihen he ka bi hanymen aposetolo; keihen he ka perofeta; keihen he ka omanenâ ûthumetu ae so; keihen hnân je pasteur me at ûne;

Deuteronomi 10:8

Haba hnyi ûen eling Iehova ame hake ip tribu anyin at Levi, he ka vadren tangen ûbihinyköu anyi Iehova, he ka tot hnyi hnyimakö Iehova, me huliwa kâu, me hahnahicâ hnyi ien, ke ne o but hnyi bong ang.

Filipi 1:1

INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona:

Filipi 2:11

me me he ka ha manenâ ta je bohmen hia thithö a Iesu Keriso thibi Than, hnân ogânâ Khong a Kamen.

Kolose 1:1

INYA Paulo aposetolo anyin Keriso Iesu ûnyi ge weny Khong, me Timoteo ke liamekeiny mʼ öta,

Kolose 1:25

ke adre wiö nya he ka huliwan ka hnyi hoton hna penapena hnen Khong, wale adre ham nya hobi köbun, he ka ohwâdâ hofuc hwan Khong,

I. Thesalonika 2:2

ke adre hodra ka oveci öhmun me okongu öhmun hnyi Filipi, wale ae khanʼ öbun, ke Öhmun e hnyok hwege ûnyi ge Khong he ka ha köbun ûthumetu ae so anyin Khong me vec ae gan hmâ.

I. Thesalonika 2:8

helâe minya öhmun e betenge gan hmâ gabun, me me so kohmun he ka ham köbun ca ûthumetu ae so thibi anyin Khong, ke anyihmun minya bi möt, anyin a öhmun e ti hnyoki öbun.

I. Thesalonika 2:9

Ke öbun hnyat me lakeiny öbun e ûnykûme anyihmun huliwa ae mak me vec; öhmun e huliwa hnyi lany me lit, mʼ öhmun e ca he ka ohmâkâ ke at gabun, öhmun e khetâ ûthumetu ae so anyin Khong köbun.

I. Timoteo 1:1

INYA Paulo aposetolo anyi Iesu Keriso, hoton musi anyin Khong, At a omeli öta, me Keriso Iesu, hnöta hna geju kâu;

I. Timoteo 2:7

kʼ adre me ûco nya he ka khetâ e, ke hnân aposetolo (inya oge me ha hnathu oge me ca thoi), ke inya at ûne ka Aten ta je hnyei ka hnyi labageju me hnathu.

II. Timoteo 1:11

ke adre me ûco nya hnân at khetâ e, me hnân aposetolo me at ûne.

Tito 1:1

INYA Paulo athnyabainy Khong, me aposetolo anyi Iesu Keriso, hoton labageju anyin tavat a ûcʼ ödra Khong, me hna wâhmakhmetoâ hnathu hoton hwakecin ae ûcû me Khong,

Heberu 5:4

Ke ba at ame hom bâûâ hanymen eling ae meic, ke so thibi at ame hawâ hnen Khong helâ me hna hawo Arona.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

Iakobo 1:1

INYA Iakobo athnyabainy Khong me Than Iesu Keriso, anyik italofa ka ta je tribu a twelv adre vese ehee.

I. Peteru 4:17

Anyin a walang ûen dut he ka ûhnei hwân hnyi uma umen Khong: ke ame ne hwân unyita, ieû obiny ka tavat adre oûnyibâûâ ûthumetu ae so anyin Khong?

II. Peteru 1:1

INYA Simona Peteru athnyaba me aposetolo anyi Iesu Keriso, oge me sihnalimen ka tavat ae hu gadra labageju ae ûnyi hnathu helâ mʼ öhmun hnyi hwakecin ae wisa unyin Khonguta me At ûhomeli a Iesu Keriso:

Juda 1:1

INYA Juda athnyabai Iesu Keriso, liamekeiny me Iakobo, oge me set ka tavat adre hawʼ ödra, me laoûnykûminy Khong a Kamen, tavat adre tuʼ ödra hobi kö Iesu Keriso:

Hna Omanenâ 1:1

WALANG hna omanenâ anyi Iesu Keriso, waleji hnen Khong hna ham kâu he ka omanenâ ka lathnyabainy, wale ta je ûnyi ame he ka ie o: ke e ame kunâ me omanenâ e deny anyin angela ka athnyabainy a Ioane;

Hna Omanenâ 22:6

Ke haingen könya ka habe, Wale hofuc ae wisa me hnathu: ke haba Than a Khongon ta je hanon je perofeta ame kunâ anyin angela he ka omanenâ ka lathnyabainy ta je ûnyi ame he ka ie o.

Hna Omanenâ 22:9

Me e ame ha könya, ka habe, Ohe, ca ânyâ, iny athnyaba möu me je perofeta a je liamekeiny möu, me tavat adre me löng hoton hofuc hnyi tusi ang: khudrung ju ka Khong.