Owisa 9:54 - Iaai Bible 1901 (New Caledonia)

⁵⁴ Me e ame ie hongot ka hidröu at ame hom tilâ anyin je ûnyi vat, me ha kâu, ka habe, Oc ut ânyâm hele vat me hlingö nya, wâ adre ne haiö nya, ka habe, Haniny momo. Me ame dâ oâ e hnen hidröu me e ame mokcu.

Owisa 9:54 ပူးပေါင်းရင်းမြစ်များ

II. Samuela 1:10

Me oge me tot hon, me hlingâ, anyin a oge wâ but a ga me ca he bi ka möt hwaban hnen hna ta but: ke oge me hom korona ûnyi hnyi hon ban, me waen hnyi benyin, ke oge me hom jem ka tuhok.

II. Samuela 1:7

Ke e ame hwio me ō nya, me hawo nya. Ke haingök dö, Inya ang.

II. Samuela 1:9

Me e ame ha könya, ka habe, Ö u todru huk me hlingö nya, anyin ame o but könya hmak; can ae tiga bekhöt möt eû hnyik.

II. Samuela 23:37

me Zelek at Amona, me Nahari at Berotha at ame hom tilâ je omjehen vat anyi Joab nöku Zeruia;

I. Man Ûlabainy Je Than. 10:4

Me haba Saulo ame ha ka at ame hom tilâ anyin ta je omjehen vat, ka habe, Oc ut ânyâm hele vat me dâoi nya kâu; wâ e nye o but tavat eling adre ca peretomonâ me oveci nya. Ke höcö bi at ame hom tilâ anyin je omjehen vat; anyin ae gan hmâ anyin ot. Anyin a wale Saulo ame hom anyin hele vat me ta takoû.

I. Man Ûlabainy Je Than. 10:5

Ke a wâ but at ame hom tilâ anyin je omjehen vat a ga mokcu Saulo, me e ame ka ta takoû bi anyin hele vat me mokcu.

I. Man Ûlabainy Je Than. 11:39

me Zelek at Amona, me Nahari at Berotha, at ame hom tilâ je omjehen vat anyi Joab nöku Zeruia;

Owisa 4:9

Haingen, ka habe, Oge ma hnyi he mou: ke so bi, ca hnân oganö u ûhem; anyin ame he Iehova ka hnö Sisera ka hnyi hnyamen momo. Ke ame todrö Debora me tha he me Baraka Kadesi ai.

Owisa 9:55

Ke a wâ but at Isaraela a ga mokcu Abimelek, me adre me vese ka hnyi je hnyabadra.

I. Samuela 14:12

Me ame thu aten lap tue kö Jonathana me at ame hom tilâ omjehen vat, ka habe, Ölö thʼ öbu kohmun, me ohmun e he ka omanenâ köbu ke ûnyi. Haba Jonathana ame ha ka at hom tilâ omjehen vat, ka habe, Ölö thö hotuk: anyin a hia but Iehova hnʼ ödrin ka hnyi hnyamen at Isaraela.

I. Samuela 14:13

Ke Jonathana ame iyâw ge li benyin me li can, ke ame he hoton at hom tilâ omjehen vat: me ödrin e ta hnyi hnyimakö Jonathana; ke haba at hom tilâ omjehen vat ame hlingʼ ödrin hnyi hoton.

I. Samuela 14:14

Ke haba hnyi hna hlingâ eling a bân, wale Jonathana me at hom tilâ omjehen vat ame ânyâ me ame ne twente tavat, hnyi utkânâ ae ûhnyûkong helâ me hafiny wadeny ûnyi hnân wia kânâ.

I. Samuela 14:17

Ke haba Saulo ame ha ka tavat unyin, ka habe, Aû thö tavat, me wâ ie at a hia gatin. Ke ödrin e aû, me wâ bi, e hiö Jonathana me at a hom tilâ omjehen vat.

I. Samuela 14:7

Me ame thu kâu at ame hom tilâ omjehen vat, ka habe, Ânyâ hia thö ûnyi hnyi hnyekom: hwio thö, wâ bi inyʼ ang unyâm hoton weny hnyekom.

I. Samuela 16:21

Ke Davita ame o but kö Saulo, me tot hnyi hnyimakan: ke e gan hmâ hnen hna hnyok kâu; ke e at hom tilâ anyin ta je omjehen vat.

I. Samuela 31:6

Me a tha mokcu Saulo me ta lakon a kun, me at ame hom tilâ je omjehen vat, me aten hia thithö hnyi bong eling.