Owisa 9:27 - Iaai Bible 1901 (New Caledonia)

²⁷ Ke ödrin e he ka hnyi ta hnyei, me tau wan haledrin je vine, me ututo je wan vine, me senyin, me didro ka hnyi uma umen khongudrin, me han, me ic, me hangö Abimelek.

Owisa 9:27 ပူးပေါင်းရင်းမြစ်များ

Salamo 109:17

Eke, e ame weny he ka hahnauhangöâ, me ame o but e kâu; Ke e ame ca senyin he ka ohnahicâ, me ame sâkâû balua but gan ûnyi eling.

Esodo 32:19

Ke ame hakekeny ka hnyi hna hunuma, me e ame wâ nokon kau me biâ, me ame ubâhlâ hmönyin anyi Mose, me e ame khûâ degecâ li veto ae lau ûnyi hnyi li hnyamen, me me hmouca but hmelen bucen.

Esodo 32:6

Ke adre me vesâ hnyi hnyomakatu kong, me hudo je hut adre le, me hom je hudiny ûsoköu; me ame laba ju tavat he ka han me ic, me adre me todrö he ka mat.

Jeremia 25:30

Anyin a wale, u me he ka perofeta kodra ta je hofuc ang hia me ha kodra, ka habe, Ame he Iehova ka kuku ethö, me fuc goranyai ûnyi hnyi hnyaban ae kap; e ame he ka kuku ûcon haleny haginy hnahat; e ame he ka kuku ûcon aten hmeledrany hia helâ me tavat adre me ututo wan vine.

Daniela 5:23

ke u je bi gan ka Thaniny drany; ke adre hia but hom je omjehen umen uma ka hnyi hnyimâkâm, ke u je hia but, ke ânyâm je taben, ke laâiâm, ke ânyâm je momo, ic waina kâu; ke u je hia but ogânâ je khong sileva, me gol, me bras, me fao, me uto, me veto, wale adre me ca bwele, me löng, me khana: ke haba Khong at ame muso homenâm, ke e unyin dem je gethen hia, me u je ca ogânâ:

Hosea 7:14

Ke ame ca hia but tenge je hnyekudra könya, ke adre me kuku tenge bi hon hnödra je hna mokut: adre me ûkhacaköu ge hwit me waina, kʼ adre me ûkhin fuc mönya.

Levitiko 24:11

ke haba nokon momo Isaraela ame haikongoâ ien Khong, me ûhangö: me adre me hom e kö Mose. Haba ien hinyen, me, Selomith, noku Deberi, ûnyi hnyi tribu Dana.

Owisa 16:23

Ke haba je tuhan at Filisiti ödrin e ûkhacaköu he ka hudo hut ae gan kö Dagona a khongudrin, me he ka senyin: anyin a haingödrin, ka habe, a hia but khongutin hnö Samasona a iwahnaihmiony mötin ka hnyi hnyamötin.

Owisa 8:33

Ke ame mokcu Gideona, me ame hmetu lakon Isaraela, me bi ûnyi monu me je Baala, me wiö Baala-berith me me khongudrin.

Owisa 9:26

Ke ame o but Gaala nöku Ebed me je liamekeiny mē, me he Sekema ai: ke ame labageju kâu at Sekema.

Owisa 9:4

Ke ödrin e ham kâu je mone a sevente ûnyi hnyi uma umo Baala-berith, me Abimelek ame ûco je hnyat ae monu me hop, kʼ ödrin e hnu hoton.

Owisa 9:46

Ke a long ut tavat hia hnyi hnabâ hnyi Sekema, me ödrin e didro ka hnyi thop hnyi uma umen khong Berith.

I. Samuela 17:43

Ke ame ha kö Davita at Filisiti, ka habe, Iny kuli, me u me o könya me je uci? Me haba at Filisiti ame hangö Davita ge je khongon.