Owisa 9:26 - Iaai Bible 1901 (New Caledonia)

²⁶ Ke ame o but Gaala nöku Ebed me je liamekeiny mē, me he Sekema ai: ke ame labageju kâu at Sekema.

Owisa 9:26 ပူးပေါင်းရင်းမြစ်များ

Genese 13:8

Me haingö Aberama kö Lota, ka habe, E so e me ca hu iwatretra gatu, ke ûnyi ge hnyat tuö halek je meno, me hnyat tuö halem: anyin a ötu liamekeiny.

Genese 19:7

Me haingen, ka habe, Hnyat me lakeiny lö, ca ânyâ ûnyi helâe ae kong.

Owisa 9:25

Ke haba at Sekema ödrin e ip tavat he ka mokut iyâwâ hon je bucen, ke ödrin e hûgûnâ omjehen tavat adre me gethen unyidrin: ke adre me thumetu Abimelek.

Owisa 9:27

Ke ödrin e he ka hnyi ta hnyei, me tau wan haledrin je vine, me ututo je wan vine, me senyin, me didro ka hnyi uma umen khongudrin, me han, me ic, me hangö Abimelek.

Owisa 9:28

Ke Gaala nöku Ebed ame ha, ka habe, Ia Abimelek, ke ia Sekema, mʼ otin e he ka bi athnyabainy? Hawa, ca nöku Jerubaala? ke Zebul athnyabainy? e so öbun e bi athnyabainy hnyat Hamora, kamö Sekema: ke hnân eû otin e he ka bi athnyabainy at e.

Owisa 9:30

Ke haba Zebul tuhan taun ame long hofuc ho Gaala nöku Ebed, me ame ubâhlâ anyin hmonyin.