Owisa 9:23 - Iaai Bible 1901 (New Caledonia)

²³ Ke haba Khong ame kunâ hanu ae kong kö Abimelek me at Sekema; ke haba at Sekema ödrin e iyawö Abimelek:

Owisa 9:23 ပူးပေါင်းရင်းမြစ်များ

I. Je Than 12:15

Me ame ca long bi than ka tavat; anyin a ûnyi ga Iehova ûnyi eling, me me ohwâdâ hwan hofuc, waleji ame ha Iehova kö Jeroboama nöku Nebata a deny Ahia at Silo.

II. Man Ûlabainy Je Than. 10:15

Ke ame ca long bi than ka tavat; anyin a ûnyi ge Khong, me me he Iehova ka ohwâdâ hwan hofuc waleji e ame ha kö Jeroboama nöku Nebata deny Ahia at Silo.

Isaia 19:14

A hia but Iehova hingâlâ ka hnyi wanben e hanu ae hwali: ke adre omonoâ Aigupito hnyi anyin ta je huliwa biâ, helâ me at ame monu ge grâg ame he monumonu hnyi hnen hna hmita.

Isaia 19:2

Ke oge me he ka obwebwelâ at Aigupito ka tot metâ bi ka at Aigupito; kʼ adre me he ka ve vat, a ke at me liamekeiny mē, ke ke at me at ame laba hakekeny kâu; ke ke taun me ke taun, ke ke dokhu me ke dokhu.

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Mataio 7:2

Anyin a haba tulutiny hnobun hna ûnykûme hwalö, adre me he ka ûnykûme hwali öbun bi: helâe minya adre me he ka tulut köbun hoton hnobun hna tuluto.

Mareko 3:24

Ke a ne imouköu ke dokhu, e ca khana dokhu eling he ka tethmâ.

Owisa 9:20

ke ame ne ba, e so e me he but jem meic ûnyi ga Abimelek, mo an at Sekema, me ûnyi hnyi lap anyi Milo: e so e me he but meic ûnyi ge at Sekema me laba hnyi Milo, me on Abimelek.

Owisa 9:22

Ke ame than hon at Isaraela Abimelek hnyi kun ta huna.