Owisa 9:20 - Iaai Bible 1901 (New Caledonia)

²⁰ ke ame ne ba, e so e me he but jem meic ûnyi ga Abimelek, mo an at Sekema, me ûnyi hnyi lap anyi Milo: e so e me he but meic ûnyi ge at Sekema me laba hnyi Milo, me on Abimelek.

Owisa 9:20 ပူးပေါင်းရင်းမြစ်များ

Salamo 140:10

E so ame ta ta je walep ae möt hudra: E so adre me khûʼ ödra ka hnyi meic: Me je thop ae dit, mʼ adre me ca he hmetu ka tot.

Salamo 28:4

Ham but kodra e ûcû me hwakecidra, me anyidra je huliwa ae kong: Ham but kodra hoton huliwa anyin li hnyamödra; Ke bi hwaban hwakecidra.

Owisa 7:22

Ke ödrin e tûâ je trutru a kun ta haded, ke Iehova ama iwiaköuâ hele vat anyin ke at me ke at ka ke at a hanen, ke ûcon vat hia thithö: ke ame kec vat ke ne o but hnyi Bethe-sita hnyi ke keihen Zererath, ke ne o but hnyi bnyigöulen Abela-mehola hnyi Tahath.

Owisa 9:15

Ke haingen iwatetaföcö ka je ûö, ka habe, Öbun e ne hû nya hnathu nya me me anyibun than, he thö jem me laba hnahic hmelen anyik dok ae hwaelu: ke ame ne ba, e so e he but meic ûnyi hnyi iwatetaföcö me thong degecâ je arasiny Lebanona.

Owisa 9:19

ke ame ne hnathu me wisa hnobun hna ânyâ kö Jerubaala me anyin lap hnyi bong ang, Awe, senyini Abimelek dö öbun, ke e ame he ka senyin köbun:

Owisa 9:21

Ke Jotham ame wadring dö me kec, me he Bere ai me laba eling, ame outö Abimelek a liamekeiny mē.

Owisa 9:23

Ke haba Khong ame kunâ hanu ae kong kö Abimelek me at Sekema; ke haba at Sekema ödrin e iyawö Abimelek:

Owisa 9:44

Ke ame wâdring Abimelek, me je vat unyin, me tot hnyi homagouleny taun: ke haba ke li bunyen, ödrin e wâdring ködrin hia hnyi hnyei me kuc ödrin.

Owisa 9:6

Ke ame ûkhacaköu at Sekema hia, me lap anyi Milo hia, me he me otilö Abimelek me me than, hnyi iwajo, baten veto ame tot hnyi Sekema.