Owisa 8:5 - Iaai Bible 1901 (New Caledonia)

⁵ Ke e ame ha ka at Sukotha, ka habe, Ö öbun ham je falawa ka tavat adre me he hotuk; anyin a ödrin sënyin, ke inya oge me hnu Zeba me Zalemuna, li thaniny at Midiana.

Owisa 8:5 ပူးပေါင်းရင်းမြစ်များ

Genese 14:18

Ke haba Melekisedeke than Salema ame hok areto me waina: ke e at bi hut ka Khong ae Beönua.

Genese 33:17

Ke Jekob ame he Sukotha ai, me otilâ umen uma, me ânyâ ta je uma baelelu hobi kâu haleny ta je meno: anyin a wale adre hwenyi ien dok eling Sukotha.

Salamo 60:6

A hia but Khong fuc hnyi hwakecin ae kap; oge me he ka ohobeluâ: Oge me he ka khenâ Sekema, me tuluto hnyigöulen bucen Sukotha.

Deuteronomi 23:4

anyin a ödra me ca ûkhanöâ möbun jeû me köiö eû hnyi gethen waleji hnyi ûhebun ûheny Aigupito; ke can adre me bi omjeû kö Balaama nöku Beora ûheny Pethora hnyi Mesopotamia, he ka hangö u.

Owisa 5:23

Haingen angela anyi Iehova, ka habe, Hangö Meroza but, Hangâ hwegiâ but tavat adre me labā e; Anyin ödrin e ca o he ka hadruo Iehova, He ka hadruo Iehova unyin tavat ae hwege.

Owisa 8:10

Ke e hnyi Karekora Zeba me Zalemuna, tha e mödru anyidru je utbavat helâ me fitin thauzan, je kolon je utbavat hia aten e deiö: anyin a kolu but khaca haded me twente thauzan tavat hok hele vat.

Owisa 8:12

Ke ame kec ut Zeba me Zalemuna; me e ame hnu ödru; me e ame kât li thaniny at Midiana, Zeba me Zalemuna, me ohmöiöngâ utbavat hia.

Owisa 8:15

Me e ame o but ka at; Sukotha me ha, ka habe, Wâ hmʼ öbun ju Zeba me Zalemuna, wale öbun e û nya cadru, me ha, ka habe, Hawa, e bi hnyi hnyamâm li hnyamö Zeba me Zalemuna, mʼ ohmun e he ka ham areto ka tavat unyâm ae sënyin!

I. Samuela 25:18

Me Abigaila ame ie hom je areto a tu haded, me li waina, me faiv ta mamoe adre hia but penapena, me faiv ta tulut hwit adre le, me khaca haded je de wan vine adre hlec meleca, me lo li haded u ometâ, me ip hon je asina.