Owisa 8:34 - Iaai Bible 1901 (New Caledonia)

³⁴ Ke haba lakon Isaraela ödrin e ca ûnykûme Iehova Khongudrin, at ame omeli ödrin ûnyi ge je iwahnaihmiony mödrin hia thithö igigilo:

Owisa 8:34 ပူးပေါင်းရင်းမြစ်များ

Salamo 106:18

Ke haba meic ame an hnyi anyidrin dö Haba bâlhân meic ame thong degecâ tavat ae kong.

Salamo 106:21

Adre me hnying Khong wale at ame omeli ödra, At ame ânyâ ta je ûnyi ae gan hnyi Aigupito;

Salamo 78:11

Kʼ adre me hnying anyin ta je huliwa, Me hnen je hna ânyâ hnân lâiâ, waleji e ame omanenâ kodra.

Salamo 78:42

Adre me ca ûnykûme bi hnyamen, Me bong waleji e ame omeli ödra hnyin ûnyi ge iwahnaihmiöny.

At Khet 12:1

KE ûnykûme ju At a up u hnyi je bonginy ânyâm hidröu, e tiga ca o ta je bong ae kong, me tiga ca hakekeny bi ta je huna wale u me he ka ha hnyin, ka habe, O ge me ca senyinâ hmetu e;

Jeremia 2:32

Hawa, ame he hlu ka hnying je hna theibâ e, ke hlu ame tep faipoipo ka hnying bi ûkhaûen? ke haba lakeik adre me hnying nya hnyi je bong a ca hnân bi aû.

Jeremia 23:27

Tavat adre me ûnykûme he ka ohnyingâ lakeik wale ge iök hnen je bwidra, wale adre me ve ha ka lahanödra, helâji me hnen lakamödra hna hnying iök ga Baala.

Hosea 2:15

Ke oge me he ka ham kâu iny je hnyei vine ûheny e, me hnyigöulen bucen Akora hnân gethen deny gejon: ke e ame he ka thu hmetu eling helâ me ehac ke tiga hlu, ke helâji me ehac hnyi ûheny hnyi hnyei Aigupito.

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Owisa 3:7

Ke haba lakon Isaraela adre me ânyâ hulö hnyi hnyimakö Iehova, me hnying Iehova Khongudrin, me bi athnyabainy je Baala me je Aseira.