Owisa 8:32 - Iaai Bible 1901 (New Caledonia)

³² Ke ame mokcu Gideona, nöku Joasa ke ti hingat ut, me adre me konâm e hnyi hu Joasa a kamen hnyi Ofera iny at Abiezera.

Owisa 8:32 ပူးပေါင်းရင်းမြစ်များ

Genese 15:15

Ke u ma he ka hnyi he ka je lakâmâm hnyi hnahic; adre me he ka könim u kʼ u hingat kong ut.

Genese 25:8

Ke Aberahama ame khûö homenâ, me mokcu ke ti hingat ut, me se hia hunainy; kʼ adre öûkhacaköuâ me lahanen.

II. Samuela 2:32

Ke ödrin e hum Asael me konâm e hnyi erkemok anyin kamen, wale hnyi Bethe-leema. Ke haba Joab me lahien ödrin e vheno lit hia, ke a lany dö ködrin hnyi Heberona.

Jobu 42:17

Me ame mokcu Jobu, ke hingat ut, ke se hia bongon ta je bong.

Jobu 5:26

U me he ka o ka hnyi erkemok ke u hingat ut; Helâ me thi hwit adre me hom hnyi ûen.

Owisa 6:24

Me haba Gideona ame otilâ taben hut eling kö Iehova, me hwenyi ien e Iehova-salom: ke ka e bi hnyi Ofera anyin at Ahiezera, ke ne o but hnyi bong ang.

Owisa 8:27

Ke haba Gideona ame ânyâ iefoda ûnyi hnyi je ûnyi e, me ip e hnyi anyin taun wale Ofera: ke haba at Isaraela hia thithö ödrin e bi ûnyi monu me ûnyi eling: ke wale hnewe kö Gideona me anyin lap.

Owisa 8:31

Ke haba anyin momo hnyi Sekema, me ame hnokoâ nokon baga me e ame hwenyi ien Abimelek.

Owisa 8:33

Ke ame mokcu Gideona, me ame hmetu lakon Isaraela, me bi ûnyi monu me je Baala, me wiö Baala-berith me me khongudrin.