Owisa 8:27 - Iaai Bible 1901 (New Caledonia)

²⁷ Ke haba Gideona ame ânyâ iefoda ûnyi hnyi je ûnyi e, me ip e hnyi anyin taun wale Ofera: ke haba at Isaraela hia thithö ödrin e bi ûnyi monu me ûnyi eling: ke wale hnewe kö Gideona me anyin lap.

Owisa 8:27 ပူးပေါင်းရင်းမြစ်များ

Salamo 106:35

Kʼ adre me ûthuenikeni ödra me ta je hnyei, Me nâ ta je hwakecidra:

Salamo 106:39

Waleling mʼ ödra kong bi ûnyi ge anyi dra ta je huliwa, Me bi ûnyi monu ge hnödra hna ânyâ.

Salamo 73:27

Anyin a wâ bi, ame he ka hia but tavat adre me ûsâkâûö möu; U je hia but ohiʼ ödra hia adre me bi ûnyi monu digic u,

Esodo 23:33

Adre me ca he ka laba hnyi em hnyei wâ odra nye bi jönâm könya: anyin a u je ne he ka bi athnyaba je khongudrin, wale thibi e hnân nuc u.

Esodo 32:4

Ke e ame kap ta je ûnyi eling gadra, me tretrauâ ge sulâ, me ânyâ me me nokon kau adre oköiâ: ke adre me ha, ka habe, Isaraela lö, walang khongom at ame hum u ûnyi hnyi hnyei Aigupito.

Esodo 34:16

ke wâ u nye he ka hom lakudra je hlu hobi kâu lakom je baga, me ame he lakudra je hlu ka bi ûnyi monu me anyidra je khong, kʼ ame he minya lakom je baga ka bi ûnyi monu me anyidra je khong.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Ezekiela 7:20

Ke haba mecin anyin hmanenang, e ame otilâ e hnyi bongon than: ke adre me otilâ bi je idola ae ikiki me hnân hûkotiâ hnyin e: anyin a wale oge hia but hna e kodra hnân ûnyi ae ikiki.

Hosea 2:2

Ivino thö me hinyöbun, ivino thö; anyin a ca öiök ut e, ke ca âiân dut inya: ke so e ame degec anyin bi ûnyi monu ûnyi hnyi hnyimakan, me hnen hna venöu hnyi wanben li basin;

Hosea 3:4

Anyin ame he lakon Isaraela ka laba thibi hnyi se hia je bong ke ba than, ke ba taben, ke ba at bihut, ke ba veto ame tot, ke iefoda ke hnatheat:

Deuteronomi 12:5

Ke haba dok ame he Iehova Khongubun ka ûca ûnyi hnyi anyibun je tribu hia me me ip eling ien bi, awe öbun e he ka elâm e wale hnyaban me he kâ e:

Deuteronomi 7:16

Ke u me he ka ohia ta je hnyei hia ame he Iehova ka hna köu; kʼ ame ca he emakâm ka betenge gadra: ke u ma ca bi athnyabainy anyidra je khong; anyin â wale hnân nuc u.

Deuteronomi 7:25

Ke öbun e he ka thong degecâ ge meic ta je hnatheatiny anyidra je khong: ke u me ca he bi ka behnyekon sileva me gol wale adre tube kâu, me hom e me ânyâm bi, wâ e nye nuc u hnen ûnyi eling: anyin a haba ûnyi e me ûnyi ae ikiki kö Iehova Khongom:

Owisa 17:5

Haba Mika, me ame tren uma umen je khong, ke e ame ânyâ iefoda, me je idola, me okabâ ke nokon me me at bihut unyin.

Owisa 18:14

Me ame fuc tavat a thabûng hnyat ödrin e ecmâkâ hnyei Laisi, me ha ka je liamekeiny mödrin, ka habe, Hawa, e khanʼ öbun a gʼ ame hu iefoda hnyi je uma eang, me je idola, me hnatheat adre tretrao, me hnatheat adre oköiâ? Ke walang ang wâhmakhmeto ju öbun ûnyi he ka ânyâ.

Owisa 18:17

Me ame he hnyat a thabûng a hnyat ecmâkâ hnyei, me didro, me hom hnatheat adre tretrao, me iefoda, me je idola, me hnatheat adre oköiâ: ke ame tha tot at bihut hnyi homagöule me tavat a siks haded ae hu omjehen vat.

Owisa 2:2

ke haba öbun mʼ öbun e ca he bi ka uhihinyköu me aten hnyei ang; kʼ öbun e he ka kia anyidrin je taben hut: ke so bi öbun e ca long hok hofuc: ieû gabun inʼ öbun e ânyâ helâe?

Owisa 2:3

Anyin a wale oge me ha, ka habe, Oge me ca he ka obʼ ödrin hnyi hnyimaköbun; kʼ ödrin e he ka helâ me je ûdö hnyi je vhaköbun, ke haba je khongudrin, me, hnân hnewe köbun.

Owisa 6:11

Ke ame o but angela anyi Iehova, me laba hmelen iwajo anyi Joasa at Ahiezera hnyi Ofera: ke haba Gideona a nokon ame kokot hwit hnyi hna hlec vine, he ka ikhâlâ e ge at Midiana.

Owisa 6:24

Me haba Gideona ame otilâ taben hut eling kö Iehova, me hwenyi ien e Iehova-salom: ke ka e bi hnyi Ofera anyin at Ahiezera, ke ne o but hnyi bong ang.

Owisa 8:26

Ke haba ihmakiny je anen hnyikonyen a gol, wale e ame sumâtâ, me wan thauzan ke seven haded je sekel gol; ke ca ha bi je hmanenanginy, me je sawakiny, me je ûkhaû ae udrudrâ a khaûen li than Midiana, ke ca ha bi je sacein hon nyin je kamela.

Owisa 8:28

Ke ame ngâ at Midiana hnyi hnyimakan lakon Isaraela, ke ca görany hmetu bi je bodrin. Ke ame menâ ju hnyei ke ne o but fâte je huna hnyi je bong bongu Gideona.