Owisa 8:26 - Iaai Bible 1901 (New Caledonia)

²⁶ Ke haba ihmakiny je anen hnyikonyen a gol, wale e ame sumâtâ, me wan thauzan ke seven haded je sekel gol; ke ca ha bi je hmanenanginy, me je sawakiny, me je ûkhaû ae udrudrâ a khaûen li than Midiana, ke ca ha bi je sacein hon nyin je kamela.

Owisa 8:26 ပူးပေါင်းရင်းမြစ်များ

Esetera 8:15

Ke haba Modikai ame he ûheny unyin than kʼ ame khavâ ûkhaûen than ae udrudrâ me hau, me korona gol ae gan, me ûkhaû a mano lino ae udrudrâ hlit: kʼ adre me senyin me hobâ hnyi taun hnyi Susani.

Ta je Vejec 31:22

E ame hwâwâ je kubö me omecâ: Kʼ ame khavâ ûkhaû lino ae so ke udrudrâ hlit.

Isaia 3:18

Ke haba hnyi bong eling, me ame he than ka hûgûnâ je mecin je ohmakhnainy je cadra, me je boert, me je omjehedrin e ûcû me ong tehi;

Jeremia 10:9

Adre me hom sileva adre kot halelöûâ ûnyi Tasesa, me gol ûnyi Ufaz, huliwa anyin at ame khavi, ke hnen hnyamen at huliwan gol: haba je khaûödra ae udrudrâ me udrudrâ hlit: huliwa hia anyin tavat a ödra metâ huliwa.

Ezekiela 27:7

Mano lino ae ve bongon ûnyi Aigupito u je ulolo hnân hûnyû me me ânyâm boûdila; mano ae udrudrâ ke udrudrâ hlit ûnyi hnyi je bomeneiny Elisa ânyâm unyitung.

Luka 16:19

E hu ke at ae tren omjeû, ke e ame khavâ ûkhaû ae dra me mano lino, kʼ ame manenang hnyi ta je bong hia:

Ioane 19:2

Haba ta je soja adre me hwâwâ je tö ae ûdedö me hnân korona, me obicâ kâu, me okhaûâ e ge ûkhaû ae udrudrâ hlit;

Ioane 19:5

Ame dit minya but Iesu ame bicâ korona ae ûdedö me khavâ ûkhaû ae udrudrâ lit. Haba Pilato ame ha kodra, ka habe, Wâ bi at!

Hna Omanenâ 17:4

Haba momo, me ame khavâ ûkhaû ae udrudrâ hlit ke dra, ke a theibâ ge gol me je veto ae gan hwaban me je penina, ke e hu hnyi hnyamen kaia gol, ke unöngöt ge je ûnyi ae ikiki, a ta je ûnyi ae kong ûnyi hnyi anyin bi ûnyi monu,

Hna Omanenâ 18:12

wale omjeû gol, me sileva, me je veto ae gan hwaban, me je penina, me mano lino ae ûhnyûkong nân, me mano ae udrudrâ hlit, me silek, me mano ae dra; me je uto ae bo so hia, me je kaia hia a nyon elefan, me je kaia uto hia ae gan hwaban, me bras, me fao, me veto oût;

Hna Omanenâ 18:16

me ha, ka habe, Ekölö, ekölö ge taun ae gan, waleji ame khavâ mano lino ae ûhnyûkong nân, me mano ae udrudrâ hlit, me dra, me otheibâ ge gol, me je veto ae gan hwaban, me je penina!

Owisa 8:21

Ke haba Zeba me Zalemuna ödru me ha, ka habe, Todrö me kuc ohmu: anyin ae ûcû at me tang hwegien. Me ame todrö Gideona me hlingö Zeba me Zalemuna, me hom je hmanenanginy nyin haledru li kamela.

Owisa 8:25

Ke haingödrin, ka habe, Ohmun e he ka ham senyinâ e. Me ödrin e ulolo imano me ve khûâ ka hnyin je anen hnyikonyen, ödrin e hûgûnâ.

Owisa 8:27

Ke haba Gideona ame ânyâ iefoda ûnyi hnyi je ûnyi e, me ip e hnyi anyin taun wale Ofera: ke haba at Isaraela hia thithö ödrin e bi ûnyi monu me ûnyi eling: ke wale hnewe kö Gideona me anyin lap.