Owisa 8:24 - Iaai Bible 1901 (New Caledonia)

²⁴ Ke haba Gideona ame ha ködra, ka habe, Inya oge me sumat öbun, mʼ öbun e he ka ve ham bi könya je anen hnyikonyen a gol öbun e hûgûnâ. (Anyin ae hu gadrin je anen hnyikonyen a gol, anyin a at Isamaela ödrin.)

Owisa 8:24 ပူးပေါင်းရင်းမြစ်များ

Genese 24:22

Ke a um dö ic je kamela, haba at ame hom otu gol haf sekel ihmakiny me li waen gol hobi kâu li hnyamen a libenyita ta sekel ihmakiny;

Genese 24:53

Ke haba athnyaba ame hom ta je omjeû a sileva, me je omjeû a gol, me je ûkhaû, me ham kö Rebeka: e ame ham minya ta je ûnyi ae ûnyi hnathu hmönyin ka haniny, me hinyen.

Genese 25:12

Ke walang ta je dö anyi Isamaela nöku Aberahama, waleji ame hnokoâ nöku Aberahama hnö Hagara momo Aigupito, hlu anyi Sara:

Genese 25:13

ke walang ien je laku Isamaela, a je iödrin hoton anyidrin je dö: jia Nebaioth, nöku Isamaela a bân; me Kedara, me Adebeela, me Mibesam,

Genese 35:4

Ke ödrin e ham kö Jekob ta je hnatheat kanyua hia unyidra, me je wen ûnyi hnyi ta je hnyikonyödrin; ke Jekob ame ikhâlâ je ûnyi e hmelen iwajo hnyi haten Sekema.

Genese 37:25

Ke ödrin e laba ju ka han, me ödrin e bwele, ke wâ bi ame he jem bunyen anyin at Isamaela ûheny Gileada, me haledrin je kamela ödrin e hok setura, me basama, me muro, ödrin e hok Aigupito ai.

Genese 37:28

Ke ame he ka gethen unyidrin at Midiana tavat ûcû; me ödrin e öû Josefa ûheny û hnyi hmonop, me ûcû. Josefa ka at Isamaela hwaban je sileva a twente. Ke ödrin e hum Josefa Aigupito ai.

I. Je Than 20:11

Haba than Isaraela ame thu me ha, ka habe, E ca so he ka hobelöu hnen at ame khavâ je ûkhaûen vat, helâ me at ame uny.

Esodo 12:35

Ke je lakon Isaraela adre me ânyâ helâ me hofuc ho Mose; me adre me sumâtâ at Aigupito ge ta je hmanenanginy sileva, me ta je hmanenanginy gol, me ta je ûkhaû:

Esodo 32:3

Ke haba tavat hia adre me uny jut je anen hnyikönyen gol hnyi ta je hnyikönyidra me hom kö Arona.

Esodo 32:4

Ke e ame kap ta je ûnyi eling gadra, me tretrauâ ge sulâ, me ânyâ me me nokon kau adre oköiâ: ke adre me ha, ka habe, Isaraela lö, walang khongom at ame hum u ûnyi hnyi hnyei Aigupito.

Esodo 32:8

adre hia but ie saû ûnyi hnyi gethen waleji oge hûna ködra; kʼ adre hia but ânyâ hobi ködra nokon kau adre oköiâ, me khudrung kâu, me bi hut kâu, me ha, ka habe, Isaraela lö, walang khongom, at ame hum u ûnyi hnyi hnyei Aigupito.

Ezekiela 7:20

Ke haba mecin anyin hmanenang, e ame otilâ e hnyi bongon than: ke adre me otilâ bi je idola ae ikiki me hnân hûkotiâ hnyin e: anyin a wale oge hia but hna e kodra hnân ûnyi ae ikiki.

Owisa 8:25

Ke haingödrin, ka habe, Ohmun e he ka ham senyinâ e. Me ödrin e ulolo imano me ve khûâ ka hnyin je anen hnyikonyen, ödrin e hûgûnâ.

I. Samuela 25:11

Hawa, oge me he ka hom anyik areto, me belik köiö, me meno oge hlingâ hobi kâu hnyat subâ leûnen halek mamoe, me ham ka tavat ae ca khanö nya dok adre mwi hnyin?