Owisa 7:20 - Iaai Bible 1901 (New Caledonia)

²⁰ Ke ame tûö trutru je bunyen a kun, me thu je kaia, me ve kât je okûnû ge je hnyamödrin a me, me je trutru ge je hnyamödrin a metâ me me tûâ; ke ödrin e hongot hwege, ka habe, Hele vat anyi Iehova me Gideona.

Owisa 7:20 ပူးပေါင်းရင်းမြစ်များ

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Jeremia 47:6

Hele vat anyi Iehova lö, ie ûen u me he ka laba so? didro hnyi tangâm, menâ ju, ke ca bwebwet bi.

I. Korinito 15:52

e ti logot, helâ me thuthubademak, hnyi hna tûâ khoto a biliny: anyin ame he ka fuc khoto, ke adre me he ka omelö hmetu thö tavat adre mokcu ka hnyi ca bobot bi; ke adre me he ka wiʼ öta.

II. Korinito 4:7

Ke hu but gahmun tang omjeû eang hnyi je utkaia kânâ, me me ûnyi ge Khong ûganiny man ae nua, ke ca ka ûnyi hi gahmun;

I. Thesalonika 4:16

Anyin ame he ka utut Than ûheny hnyi drany, me hwakuku, me ifucin angela ae beönua, me hwan trutru anyin Khong: ke ame he ka bân tavat adre mok unyin Keriso ka höhöi:

Heberu 11:4

Hnen labageju Abela ame hudo ka Khong hut ae nua hon hut anyi Kaina, me adre me ohnathoâ e hnen e a e wisa, ke Khong ame ohnathoâ ge anyin je bwihlany: a mok ut e, kʼ ame fuc bala bi hnen e.

Josua 6:16

Ke haba hnyi ûen a seveniny, kʼ ame tûö trutru hnyat bihut, me haba Josua ame ha ka hnyat bihut, ka habe, Kuku thö; anyin a hia but Iehova ham köbun taun.

Josua 6:20

Ke ame kuku tavat, me adre tûâ je trutru: ke ame long hnen tavat ifucin trutru, me ame kuku hwege tavat goranyai, me ame ū but hna up veto, me ame ve ölö thö tavat ka hnyi taun cici ödrin, me ödrin e hûgûnâ taun.

Josua 6:4

Ke ame he tavat bihut a seven ka hom tilâ je trutruiny jubeli hnyi hnyimakan tang: ke haba hnyi bong a seveniny, hamöbun he ka oseven he igigilö taun, ke ame he tavat bihut ka tûâ tilâ je trutru.

II. Peteru 1:15

Eke oge me he ka hwege huliwa me me khanʼ öbun ûnykûme bala ta je ûnyi eang, iny ka mokcu.

Owisa 7:19

Me haba Gideona me haded unyin, ödrin e o ka hnyi hoton hna hunuma hnyi hwân hmak a wanben, kʼ adre hap ibi hmak: me ödrin e tûâ je trutru, me ohmouca je kaia hnyi je hnyamödrin.

Owisa 7:21

Ke ödrin e ve tot hnyi je hnödrin bi igigilo hna hunuma; me ame wadring je vat hia thithö; ke ödrin e hongot me obʼ ödra.

I. Samuela 11:11

Ke haba nyi Saulo ame khenâ tavat me me kun ta bunyen: ke ödrin e o hnyi wanben hna hunuma hnyi hna hmak hnyi hnyomakatu, me kot at Amona ke ne o but ame vec hwan seûnö: ke adre oveseâ bi je kolon, me me ca tha laba li at a lo.