Owisa 7:2 - Iaai Bible 1901 (New Caledonia)

² Ke haba Iehova ame ha kö Gideona, ka habe, E se hia hmonyin tavat unyâm, me oge me ca he ka ham at Midiana ka hnyi hnyamödra, wâ e nye bi gan at Isaraela könya, me ba, ka habe, Iny möt ge hing hnyamök.

Owisa 7:2 ပူးပေါင်းရင်းမြစ်များ

Genese 46:2

Ke Khong ame ba kö Isaraela hnyi hna omanenâ hnyi hnyinghet, ka habe, Jekob, Jekob lö. Me e ame ha, ka habe, Inya ang.

II. Man Ûlabainy Je Than. 14:11

Haba Asa ame tenge kö Iehova Khongon me ha, ka habe, Iehova lö, e ba at ke u thibi he ka hadruâ, wanben at ae hwege, me at ae ba maniny: Iehova lö, Khonguhmun, hadruʼ ohmun; anyin ohmun e labageju köu, ke ûnyi hnyi iâm ohmun e hia but o ka tavat ang ae se. Iehova lö, u thibi Khonguhmun; e so e ca he at ka hwege hom.

Isaia 10:13

Anyin a haingen, ka habe, Oge hia but ânyâ e ge hnyamok ae hwege, me anyik metâ; anyin a inya at wâ wia: ke oge hia but wia je hnyigöulen ta je hnyei, me hûgûnâ ta je tang omjehedra, me ohnyikânâ tavat adre me tabâ je theron helâ me at hwege:

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Jeremia 9:23

Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

Ezekiela 28:17

E bi gan dut hnyekom ge ânyâm hmanenang, e monu but ânyâm metâ hnen ânyâm mec: oge hia but khûö u hnyikânâi, oge hia but ip u hnyi hnyimakan je than mʼ adre me he ka ö u thö.

Ezekiela 28:2

Nokon at lö, ha thö ka je tuhan Turo, ka habe, Walang hna ha hnen Than Iehova, ka habe, Anyin ae bi gan hnyekom, ke u je ha, ka habe, Inya ang ke khong, me oge me Aba hnyi tap taben Khong hnyi wanben je köiö; ke so bi u thibi at ke ca Khong, ke u je oûco hnyekom me hnyekon Khong:

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Habakuka 1:16

Anyin a wale, e ame bi hut ka ûten ert, kʼ ame leû utö ae bo so ka ûten ert hlihli; anyin ae pipikhenya jekhon ûnyi gan, ke gan hmâ an jeû.

Zakaria 12:7

Ke ame he ka bö Iehova ka me omelö je uma mano umo Juda, me me ca görany hmanenanginy lap anyi Davita, me hmanenanginy aten Jerusalema hon Juda.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Numera 31:4

Ke öbun e he ka kunâ ûsa khaca thauzan ûnyi hnyi je tribu Isaraela hia he ka vat.

Roma 11:18

u ma ca bi gan bi ka ta je vheiny: ke u je ne bi gan, me ame ca möt iwân ûnyi gam, ke u bu u möt ûnyi ge iwân.

Roma 3:27

Anyin a wale, ewa hna ohobeluâ? E ba hnen bi e. Hnen ie hnanyibu? hawa, ge huliwa? Ohe; ke so bi ûnyi ge hnanyibuiny labageju.

II. Korinito 4:7

Ke hu but gahmun tang omjeû eang hnyi je utkaia kânâ, me me ûnyi ge Khong ûganiny man ae nua, ke ca ka ûnyi hi gahmun;

Efeso 2:9

ca ûnyi ge huliwa, wâ e nye he ke at ka hobelöû.

Deuteronomi 32:27

Ke so bi oge me outen hmönyin anyin iwahnaihmiony, Wâ e nye ca wâhmakhmeto iwahnaihmiöny mödra, Wâ adre nye ha, ka habe, Adre hia but hai hnyamöhmun, Ke Iehova ame ca ânyâ ta je ûnyi hia ang.

Deuteronomi 8:17

ke u je ne he ka ha eû hnyi hnyekom, ka habe, A o könya omjeû eang ûnyi ge manik man me tang hwegien hnyamok.

Deuteronomi 8:18

Ke so u ma ûnykûme ko Iehova Khongom, anyin a e at ame ham köu tang hwege he ka hu tang omjeû; me me ohmâ anyin ûhihinyköu waleji e ame khemanyin ka je lakâmâm, helâ me hnyi bong ang.

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.