Owisa 7:15 - Iaai Bible 1901 (New Caledonia)

¹⁵ Ke a long ut Gideona hna ha bwi ke bongon e, me ame khudrung; me e ame hmetu ka hnyi hna hunuma anyin at Isaraela, me ha, ka habe, Todrö, anyin a hia but Iehova hna vat anyin at Midiana ka hnyi hnyamöbun.

Owisa 7:15 ပူးပေါင်းရင်းမြစ်များ

Genese 24:48

Me oge me nom ju, me khudrung kö Iehova, me oganö Iehova, Khongu Aberahama a tuhök, waleji at ame hum nya hnyi gethen ae wisa he ka hom hlu nokon liamekeiny me tuhök hobi kâu nokon.

Genese 40:8

Kʼ ödru me thu kâu, ka habe, Öhme bwi, ke ba at ae khana he ka ha bongon. Ke haingö Josefa ködru, ka habe, Hawa, ca hamen Khong he ka ha ta je bongon? Bethe ha thö könya.

Genese 41:11

ke öhmu me bwi hnyi lit a khaca, inya më; ke öhmu me ve bwi me ve bongon bi li bwihmu.

Owisa 3:28

Me e ame ha ködrin, ka habe, Hnu hotuk: anyin Iehova ame hna at Moaba je iwahnaihmiony ka hnyi hnyamöbun. Ke ödrin e utut mē, me tuö je dok ae cöcö hnyi Joridano ûcon at Moaba, ke adre me ca hna ke at a khaca ame he hanyâûâ.

Owisa 4:14

Ke Debora ame ha kö Baraka, ka habe, Todrö, anyin a walang bong ame he Iehova ka hnö Sisera ka hnyi hnyamâm: hawa, ame ca bö Iehova hnyi hnyimâkâm? Ke Baraka ame utut ûheny hnyi bucen Tabora ke ten thauzan tavat adre me hnu hoton.

Owisa 7:11

ke u me he ka long ûfucidrin; ke hwaban e adre me he ka ha hwegien li hnyamâm he ka utut ka hnyi hna hunuma. Me e ame tha he me Fura athnyabainy, ke ne o but ka hnyi hoton tavat adre me hom omjehen vat hnyi hna hunuma.

Owisa 7:14

Me ame thu hnen hanen, ka habe, Wale hele vat anyi Gideona, nöku Joasa, a at Isaraela: a hia but Khong hna at Midiana, me anyidrin utbavat hia ka hnyi hnyamen.

Owisa 7:16

Me e ame khenâ kun ta haded me me kun ta bunyen me ve ham ka hnyi je hnyamödrin hia je trutru, me je kaia ae ba onyen me je okûnû eû hnyi hnyin je kaia.

Owisa 8:7

Haba Gideona ame ha, ka habe, Awe, e ka hia but Iehova hnö Zeba me Zalemuna ka hnyi hnyamok, oge me he ka kia je unyibun ge je ûnyi ae ûdö hnyi hnyebuba me je iwatetaföcö.

I. Samuela 1:28

Anyin a wale oge hia but hna minya e kö Iehova; adre hna kö Iehova hnyi ta je bonginy hia anyin möt. Me e ame khudrung kö Iehova eling.

I. Samuela 14:12

Me ame thu aten lap tue kö Jonathana me at ame hom tilâ omjehen vat, ka habe, Ölö thʼ öbu kohmun, me ohmun e he ka omanenâ köbu ke ûnyi. Haba Jonathana ame ha ka at hom tilâ omjehen vat, ka habe, Ölö thö hotuk: anyin a hia but Iehova hnʼ ödrin ka hnyi hnyamen at Isaraela.