Owisa 7:13 - Iaai Bible 1901 (New Caledonia)

¹³ Ke ame o but Gideona, me wâ bi, ke at ame thumeto hanen ge bwi, haingen, ka habe, Wâ bi, oge bwi, ke e hu ke areto bali adre me khûâ ka hnyi hna hunuma anyin at Midiana, me ame āt ka hnyi uma mano, me kot e, me ame kolu but me hwiö hnyimen hnyikânâi, me ame ta but uma mano.

Owisa 7:13 ပူးပေါင်းရင်းမြစ်များ

I. Korinito 1:27

ke haba Khong ame ûca ta je ûnyi ae monu hnyi hmeledrany he ka ohmehma tavat ae metâ; ke haba Khong ame ûca ta je ûnyi ae sēnyin hnyi hmeledrany he ka ohmehma ta je ûnyi ae hwege;

Owisa 3:15

Ke ame tenge kö Iehova lakon Isaraela, me Iehova ame oâ ködrin at hnân omelö, jia Ehuda nöku Gera, at Beniamina, e at ae me benyin: ke haba lakon Isaraela ödrin e kunâ e me bwihlany kö Egelona than Moaba.

Owisa 3:31

Ke hwaban e bi, me Samegara nöku Anath, haba at eling ame kot at Filisiti a! siks haded ge osö hnân alin bolok: me e ame omelö minya at Isaraela.

Owisa 4:21

Ke haba Jaela öiö Heberu ame hom faoiny uma mano, me hom hama hnyi hnyamen, me he hmecik kâu, me thö fao hnyi halelöûiny, me ame dâ oâ ka hnyi kânâ; anyin a e ame mokut hnying me sënyin; me e ame mokcu.

Owisa 4:9

Haingen, ka habe, Oge ma hnyi he mou: ke so bi, ca hnân oganö u ûhem; anyin ame he Iehova ka hnö Sisera ka hnyi hnyamen momo. Ke ame todrö Debora me tha he me Baraka Kadesi ai.

Owisa 6:15

Ke e ame ha kâu, ka habe, Tuhok lö, oge me he ka omelö at Isaraela hnen ieû? wâ bi, haba anyik lap wale ae ûnyi baû hmönyin hnyi Manase, ke iny ûhnyûkong hmönyin hnyi hnyaba cica.

Owisa 7:12

Ke haba at Midiana, me Amaleka, me aten e deiö, adre me laba hnyi hnyigöuleny bucen helâ me ûseiny hamon; ke haba ûseiny haledrin je kamela helâ ûnyin köiö, ca hnân bi aû.

Owisa 7:14

Me ame thu hnen hanen, ka habe, Wale hele vat anyi Gideona, nöku Joasa, a at Isaraela: a hia but Khong hna at Midiana, me anyidrin utbavat hia ka hnyi hnyamen.

Owisa 8:10

Ke e hnyi Karekora Zeba me Zalemuna, tha e mödru anyidru je utbavat helâ me fitin thauzan, je kolon je utbavat hia aten e deiö: anyin a kolu but khaca haded me twente thauzan tavat hok hele vat.