Owisa 6:6 - Iaai Bible 1901 (New Caledonia)

⁶ Ke gan hmâ ba ta ûnyi anyin at Isaraela can at Midiana; me haba lakon Isaraela adre me tenge kö Iehova.

Owisa 6:6 ပူးပေါင်းရင်းမြစ်များ

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 78:34

Hnyi ûen e ame hlingʼ ödra, me adre me elâm dö e: Adre me hmetuhmetu, me hwege hnö Khong.

Isaia 26:16

Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

Jeremia 5:17

Ke adre me he ka an hnâm hna meno, me âm jeû, wale ae ûcû he ka han hnen lakom obaga me wahlu: adre me he ka an halem je mamoe, me kau; adre me he ka an halem je vine, me halem je meta: adre me he ka kot ge hele vat ânyâm je taun adre up haginy, waleji u je labageju kâu.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Malaki 1:4

Anyin a haba Edoma ame ha, ka habe, Adre hia but kiâ degeci ohmun, ke ohmun e he ka hmetu ka op je dok ae ba aten; ke walang hna ha hnö Iehova tuhan sabaoth, ka habe, Adre me he ka op, ke oge me he bi nya ka hagutâ hnyikânâi: ke ame he tavat ka hwenyi ödra, ka habe, Hnyigoulen hwakecin ae kong, ke Tavat ame hmonyin kodra Iehova nyiele balua.

Deuteronomi 28:43

Ame he atkanyua unyâm ka labö kû tot me me nua hom; ke u me he ka hnyikânâ tot hmönyin.

Owisa 10:10

Haba lakon Isaraela ödrin e tenge kö Iehova, me ha, ka habe, Ohmun e hia but ânyâ hulö köu, wale ohmun e hna degecâ Khonguhmun, me bi athnyaba bi ka je Baala.

Owisa 3:15

Ke ame tenge kö Iehova lakon Isaraela, me Iehova ame oâ ködrin at hnân omelö, jia Ehuda nöku Gera, at Beniamina, e at ae me benyin: ke haba lakon Isaraela ödrin e kunâ e me bwihlany kö Egelona than Moaba.

Owisa 3:9

Ke ame tenge lakon Isaraela kö Iehova, me Iehova ame oâ ka lakon Isaraela at hnân omelö, ke e ame omeli ödrin, jia Otheniela nöku Kenaza kei Kaleba.

Owisa 4:3

Haba lakon Isaraela ödrin e tenge kö Iehova: anyin ae hu gan nain haded je kariota fao; ke twente je huna e ame hom ûhnyûkongo hwegiâ lakon Isaraela.

Owisa 6:7

Ke ame tenge kö Iehova lakon Isaraela can at Midiana,