Owisa 6:37 - Iaai Bible 1901 (New Caledonia)

³⁷ wâ bi, o ge me he ka ip leûnen mamoe hnyi hna huje hwit; ke ame ne hu khubet hon leûnen mamoe thibi, ke mada bi kânâ, awe, oge me he ka wâhmakhmeto a u me he ka omelö at Isaraela ge hnyamök helâ me hna ha gam.

Owisa 6:37 ပူးပေါင်းရင်းမြစ်များ

Genese 24:14

ke so e helâng, a haba hlu oge me he ka ha kâu, ka habe, Ö u sâû thö ânyâm kaia mʼ inye ic; me e ame he ka ha, ka habe, Ic dö, ke oge me he minya ka habelen halem je kamela: e so e e bi at e u je ûca hobi kö Isaaka athnyabaem; ke waleling oge me he ka wâhmakhmeto a u je omanenâ ibetengiö ka tuhök.

Salamo 72:6

E ame he ka ta helâ me we hon ta hnaonying adre sö: E ûcû me we ame ta but ka hnyi ta hnyei.

Hosea 14:5

Oge me he ka helâ me dân hau kö Isaraela: e ame he ka vhong hela me obedila, me sit ut helâ me Lebanona.

Mataio 15:24

Ke e ame thu me ha, ka habe, E ba ke ûnyi adre kunö nya kâu, ke so bi ka ta je mamoe adre he monu hnyi lap anyin at Isaraela.

Deuteronomi 32:2

Ame he ka khula bongon ûûneik helâ me we, Ame he ka ta ifucik helâ me hau; Helâ me we ae menyik hon je bö ae mita, Ke helâ me khukhula hon sa khölak:

Owisa 6:17

Ke haingen kâu, ka habe, Oge ne hia but kap betenge baû hnyi hnyimâkâm, u me he ka ânyâ könya haten, a u at ame ûhnenamö mönya.

Owisa 6:36

Ke Gideona ame ha ka Khong, ka habe, U je ne he ka omelö at Isaraela ge hnyamok helâ me hna ba gam,

Owisa 6:38

Ke ame helâe: anyin a e ame vesâ hnyi hnyomakatu, me hlec leûnen mamoe, me owa khubet ûnyi hnyi leûnen mamoe, ke ame unöngötö kaia ge köiö.