Owisa 6:34 - Iaai Bible 1901 (New Caledonia)

³⁴ Ke ame ta hu Gideona hanu Iehova; me e ame tûâ trutru; me ame ûkhacaköu hoton e at Ahiezera

Owisa 6:34 ပူးပေါင်းရင်းမြစ်များ

I. Man Ûlabainy Je Than. 12:18

Me haba hanu ame o kö Amasai wale taben thote, haingen, ka habe, Davita lö, ohmun je atâm, me je lahiâm, nöku Jese lö: ûsoköu, ûsoköu köu, me ûsoköu ka tavat adre me hadruo u, anyin a Khongom ame hadruo u. Haba Davita ame kop ödrin me otilʼ ödrin hnân je taben vat.

I. Man Ûlabainy Je Than. 12:19

Ke haba keihen je laku Manase adre me utut kö Davita, waleji hnyi ûen e ame tha he me at Filisiti he ka vat me Saulo, ke ödrin e ca hadruʼ ödrin: anyin a je than Filisiti ödrin e ûhnenamö me kunâ hmetu e, haingödrin, ka habe, E ame he ka kec hmetu kö Saulo a tuhan me je bötin.

II. Man Ûlabainy Je Than. 24:20

Ke ame o but banon Khong kö Zakaria nöku Jehoiada at bihut; me e ame tot hon tavat me ha ködrin, ka habe, Walang hna ha hnen Khong, ka habe, Anyin a ieû öbon e hanyâûâ hnanyibu anyi Iehova me me ca khanʼ öbun he ka hnahic? anyin a öbun e hia but hna degeci Iehova, me e ame hia but hna digic öbun.

Salamo 51:11

Ca digic nya bi hnyi hnyimâkâm; Ke ca hom bi gak hanom ae kap.

Numera 10:3

Ke ödra ka he ka tûâ, me ame he ka ûkhacaköu köu tavat hia hnyi hwanumen uma ûkhacaköu.

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

Galatia 3:27

Anyin a haba öbun hia, adre bapataisoâ ka Keriso, me öbun e khaû öbun ge Keriso.

Josua 17:2

Ke haba jekhon eling hobi kâu ke keihen laku Manase hoton anyidrin je lap; hobi kâu laku Ahiezera, me laku Heleka, me laku Aseriela, me laku Sekema, me laku Hefera, me laku Semida: wale je baga noku Manase nöku Josefa hoton anyidrin je lap.

Owisa 13:25

Ke ame hwân hanu Iehova he ka huliwan hnyekon hnyi lap anyi Dana, hnyi wanben Zorea me Esetaol.

Owisa 14:19

Me ame ut hwege hanu Iehova ka hnyi hon, me e ame he Asekelona ai, me kot eling hnyat a thöte me sei ödrin, me ham ka hnyat ödrin e omanenâ hûkehmuen je bwiny khaû. Ke ame ubâhlâ thö anyin hmönyin me e ame he ka hnyi hnyaban kamen.

Owisa 15:14

Ke e ame o ka hnyi Lehi, me haba at Filisiti ödrin e iouny mē me kuku kâu: ke ame utut ka hnyi hon hanu Iehova, ke haba li tö hnyi li benyin me helâ me wakunenu adre le ge meic, ke ame ok ut hna ca hnyi li benyin.

Owisa 3:10

Ke ame mokut hon at e hanu Iehova, ke e ame owisa ka at Isaraela; ke e ame he ka vat, me haba Iehova ame hnö Kusani-risathaima than Mesopotamia ka hnyi hnyamen: ke e hwege hnyamen hu Kusani-risathaima.

Owisa 3:27

Ke e ame he but me tûâ trutru hnyi hnyei ae hut hnyi Eferaima, me ame tha utut lakon Isaraela mē ûheny hon hnyei ae hut, ke e ame bân.

Owisa 6:11

Ke ame o but angela anyi Iehova, me laba hmelen iwajo anyi Joasa at Ahiezera hnyi Ofera: ke haba Gideona a nokon ame kokot hwit hnyi hna hlec vine, he ka ikhâlâ e ge at Midiana.

Owisa 8:2

Ke e ame ha ködrin, ka habe, Ieû oge ânyâ walang ae nua hon hnobun hna ânyâ? Hawa, e ca beönua bi hna hlo je wan vine anyi Eferaima hon je wan vine adre ip anyi Ahiezera?

I. Samuela 10:6

ke ame he ka o hwege hom hanu Iehova, me u me he ka tha perofeta mödrin, ke adre me he ka wiö u helâ me ke at bi.

I. Samuela 11:6

Ke ame o hwege hanon Khong ka hnyi hu Saulo, hnyi ûen e ame long hofuc eling, me ame ubâhlâ gan hmâ anyin hmonyin.

I. Samuela 13:3

Ke haba Jonathana ame kot lap tue anyin at Filisiti hnyi Geba, ke a long ut at Filisiti. Ke haba Saulo ame tuâ trutru hnyi hnyei hia thithö, me ha, ka habe, Long ju öbun, at Heberu.

I. Samuela 16:14

Me ame hia but he digic Saulo hnen hanu Iehova, me ame ohmakâ e hnen hanu ae kong ûnyi ga Iehova.