Owisa 6:3 - Iaai Bible 1901 (New Caledonia)

³ Ke a hia but belökâ hnyei at Isaraela, me ame o at Midiana, me Amaleka, me tavat e deiö; adre meʼ o but he ka vat mödra;

Owisa 6:3 ပူးပေါင်းရင်းမြစ်များ

Genese 25:6

Ke Aberahama ame ham ta je bwihlany ka lakon li momo anyi Aberahama; me kunʼ ödrin ka hnyi hnyei e deiö, me me ûsâkâûö me Isaaka a nokon, ke e tiga möt.

Genese 29:1

KE Jekob ame vheno deny me o ka aten hnyei e deiö.

I. Je Than 20:27

Ke adre me hawâ lakon Isaraela, me ha ödrin, me he ka vat mödrin: ke haba lakon Isaraela ödrin e laba cici ödra helâke li hnahat got ae wakhalet, ke unöngötö hnyei ge at Suria.

I. Je Than 4:30

Ke haba metâ anyi Solomona, me gan hon metâ anyin tavat hia thithö e deiö, me metâ hia hnyi Aigupito.

I. Je Than 5:10

Me Hirama ame ham kö Solomona je uto arasi me je uto kop e ame weny.

Jobu 1:3

Ke haba haleny omeno me seven thauzan je mamoe, ke theri thauzan je kamela, ke faiv haded je ûcû lo bolok, ke faiv haded je asina momo, ke ti se hia lathnyabainy; me me beönua at eling hon tavat hia aten e deiö.

Jobu 31:8

Awe, e so oge me belök, kʼ ame he ke at ka han troban; Eke, e so adre me he ka oc degecâ hanen ik.

Esodo 17:8

Ke ame o but at Amaleka he ka vat me at Isaraela e Refidima.

Isaia 11:14

Ke adre me he ka utut ka hnyi hon je bajebenyin at Filisiti e jimeû; adre me he ka tha söh tavat aten jimeio: adre me he ka inâ hnyamödra hon Edoma me Moaba; ke ame he ka ling ödra je laku Amona.

Isaia 62:8

A hia but Iehova khemanyin ge hnyamen a metân, me benyin ae hwege, ka habe, E hnathu oge me ca he hmetu ka hna ânyâm hwit hnân an je iwahnaihmiony möu; ke ame ca he je atkanyua ka ijem ânyâm waina waleji u je huliwan:

Jeremia 49:28

Ge Kedara, me je dokhu hnyi Hazora, waleji hnö Nebukaneza than Babulona hna kot. Walang hna ha hnö Iehova, ka habe, Todrʼ öbun, he thö Kedara ai, me söh tavat e deiö.

Ezekiela 25:3

ke ha thö ka lakon Amona, ka habe, Long ju öbun hofuc hwan Than Iehova; Walang hna ha hnen Than Iehova, ka habe, Anyin a u je ha, ka habe, Öhö, ka anyik dok ae kap, hnyi ûen eji adre me okongoâ; ke ka hnyei Isaraela hnyi ûen adre me öba wan e; ke ka lap anyi Juda, hnyi ûen adre me he but ka bâ:

Ezekiela 25:4

anyin a wale, wâ bi, oge me he ka hnö u ka tavat e jimeio me hnân idra, kʼ adre me he ka hunuma hnyi wanbâm, me bi hnyabadra unyâm; kʼ adre me he ka an âm jeû, me ijem belâm debai.

Levitiko 26:16

me oge me he bi nya ka ânyâ köbun eang; oge me he ka kunâ köbun ot, me delâ, me kahwa unyin, me me dit je emaköbun, me aû but unyibun; kʼ ame he ka ûnyi baû hnöbun hna cekön, anyin ame he ka han e hnen je iwahnaihmiony möbun.

Mika 6:15

U me he ka tä, ke u me ca he bi ka menu: u me he ka ututo je elaio, ke u me ca he ka sûâ wakacoiny; ke wan vine, ke u me ca he ka ic wainainy.

Deuteronomi 28:51

ke e ame he ka han wan halem je meno, me wan kânâm kânâ, ke ne o but ame hiö u but: ke e ame ca he ka bi kolon köu hwit, me waina, me wakaco, me ûsehiainy halem je kau, me lakon halem je mamoe, ke ne o but e ame ohiö u.

Owisa 10:12

Ke haba at Zidona, me Amaleka, me Maon, ödrin e okongu öbun; me öbun e tenge könya, me oge me omeli öbun ûnyi hnyi je hnyamödrin.

Owisa 3:13

Me e ame ûkhacaköuâ bi kâu laku Amona me Amabeka; me e ame he me kot Isaraela, me hûgûnâ tauniny je ûö pama.

Owisa 6:2

Ke hwege at Midiana hon at Isaraela: ke can at Midiana, haba lakon Isaraela adre me ânyâ hobi ködra bi je thop hnyi bucen, me je op, me je hnabâ.

Owisa 6:33

Me ame ûkhacaköu at Midiana hia me at Amaleka, me aten e deiö; me ödrin e he me laba hnyi hnyigöulen bucen anyin Jezerela.

Owisa 6:4

me adre me hunuma cici ödra, me okongoâ jeûiny kânâ ke ne o but Gaza, ke ba hmetu omelen at Isaraela, ame ne mamoe, me kau, me asina.

Owisa 7:12

Ke haba at Midiana, me Amaleka, me aten e deiö, adre me laba hnyi hnyigöuleny bucen helâ me ûseiny hamon; ke haba ûseiny haledrin je kamela helâ ûnyin köiö, ca hnân bi aû.

Owisa 8:10

Ke e hnyi Karekora Zeba me Zalemuna, tha e mödru anyidru je utbavat helâ me fitin thauzan, je kolon je utbavat hia aten e deiö: anyin a kolu but khaca haded me twente thauzan tavat hok hele vat.