Owisa 6:13 - Iaai Bible 1901 (New Caledonia)

¹³ Ke haba Gideona ame ha kâu, ka habe, Tuhok lö, ame ne e but Iehova unyihmun, ieû can ame o kohmun ta je ûnyi hia eang? ke ewa anyin je ûöman hia wale a thumetu ohmun hnen lakamöhmun, ka habe, A ca hum ohmun Iehova ûheny Aigupito! ke walang ang a hia but Iehova digic ohmun bi, me hnʼ ohmun ka hnyi hnyamen at Midiana.

Owisa 6:13 ပူးပေါင်းရင်းမြစ်များ

Genese 25:22

Ke ame ve hwiö lihûnye eû hnyi hnyekon; ke haingen, ka habe, Ieû ang a oge me helâng? Me e ame he but ka hnei Iehova.

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

Salamo 27:9

U na ca he ju ka ikhâlâ hnyimâkâm gak; Ca he ka obâ athnyabaem hnyi hmonyin: U thibi at ame labö hadruo nya; Khong lö, at ame omeli nya, ca he ka hota degeci nya, me hnö nya but.

Salamo 44:1

KHONG lö, ohmun e long ge je hnyi-könyöhmun, kʼ ame ha gaga kohmun hnen je lakamöhmun. Waleji ge huliwa u je ânyâ hnyi bongudra ta je bong, waleji hnyi ta je bong adrem.

Salamo 44:2

U je obâ aten je hnyei ge hnyamâm, me te hwabödra: U je okongoâ je hnyei, me obâ degeci ödra.

Salamo 44:9

Ke walang ang u je hia but digic ohmun, me oûhnyûkongu ohmun; Me ca tha he hele me anyihmun je utbavat.

Salamo 89:49

Than lö, ewa ânyâm tang betenge ehac, Waleji u je khemanyin kö Davita hnyi ânyâm hnathu?

Isaia 41:17

Tavat adre me vec, ke ta je theduoc, me adre me heleû köiö, me ba, ke atgec dö ta je bohmödra ge beic; ke oge me he bi nya Iehova ka thu kodra, oge me ca he bi nya Khongu Isaraela ka hna degeci ödra.

Isaia 63:11

Me e ame ûnykûme je bong ehac, wale ga Mose me lakeiny, ke haingen, ka habe, E but ua at ame hum ödra ûhedra eû hnyi köiö, tha e me tavat tuö haleny hnahat mamoe? ke e but ua at ame ip hanon ae kap eû hnyi hnyekudra?

Isaia 63:15

Wâ ju ûnyi hnyi drany, me wâ ûnyi hnyi hnyabam ae kap me hmanenang; ewa wem ae hwege me hna ânyâ hnen manâm man? adre hom behânâ medien hnyekom me ânyâm betenge könya.

Jeremia 23:33

Ke e ka he ka hnei u hnen tavat ang, ame ne perofeta, ame ne at bihut me ha, ka habe, Ieû hok ûnyi ga Iehova? me u me he ka thu kodra, ka habe, Ie hok? Oge me he ka hna degeci öbun, haingö Iehova.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Deuteronomi 29:24

ke ame he je hnyei hia ka ha, ka habe, Can ieû Iehova ame ânyâ helâng ka hnyei ang? can ieû hmönyin ae gan eling?

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?

Owisa 6:1

KE haba lakon Isaraela adre me ânyâ ûnyi ae kong hnyi hnyimakö Iehova: me Iehova ame hnʼ ödra ka hnyi hnyamen at Midiana hnyi je huna a seven.

Owisa 6:12

Ke ame manen dut kâu angela anyi Iehova, me ha kâu, ka habe, E bi unyâm Iehova, u baga ae hwege.