Owisa 5:31 - Iaai Bible 1901 (New Caledonia)

³¹ Iehova lö, e so e he ka mok je iwahnaihmiöny mou hia helâe: Ke ame he tavat adre me hnyok kâu ka helâ me seûno ame he hnyi hwegien. Me ame menâ but hnyei ke ne o but fâte je huna.

Owisa 5:31 ပူးပေါင်းရင်းမြစ်များ

II. Samuela 18:31

Ke wâ bi ame o at Kusi; me haingen at Kusi, ka habe, E hu je ûthumetu hobi kâu than a tuhok: anyin a haba Jehova ame bi hwaban ködrin hia thithö hnyi bong ang adre me tot köu.

II. Samuela 18:32

Ke haingen than ka at Kusi, ka habe, Hawa, e so hidröu, jia Abasoloma? Me haingen at Kusi, ka habe, E na be ka helâ me hidröu eling ta je iwahnaihmiony me than a tuhok, me ödrin hia ödrin e tot köu he ka okongu u.

II. Samuela 23:4

Ke e ame he ka helâ me lany hnyi hnyomakatu, hnyi ûen ame o seûno, Hnyomakatu ae ba ûlâiny; Hnyi ûen ame kû hna önying ûnyi hnyi kânâ, Hnyi lany ae hadröngöc hwaban we.

Salamo 19:6

E ame o but ûheny hnyi can hmeledrany. Ke haba deny gethen ame he ke ne o but ka hnyi ke je can: Ke ba ke ûnyi adre ikhâlâ ûnyi ge kahwainy.

Salamo 20:8

Adre me nom ju me ta but: Ke ate me köûö thö me tot wisa.

Salamo 37:6

Me e ame he ka oâ hwakecâm ae wisa hela me melam, Ke je hna owisa u helâ me jebigö.

Salamo 89:36

Ame he ka tethmâ je mâtrâniny nyiele balua, Me anyin theron helâ me seûno hnyi hnyimakök.

Salamo 89:37

Ame he ka tethmâ balua e bi helâ me tehi, Me helâ me ûnyi hnân ohnathoâ ae hnathu hnyi drany. [Sela.

Salamo 91:14

Can e ame hnyok könya, me oge me he ka omelo e: Oge me he ka otilâ e goranyai anyin a e khana but iök.

Salamo 92:10

Anyin a u je hia but ogöranyâ anyik faoiny meno helâ me faoiny rema: Adre me hû nya ge wakaco ae teb ûnyi.

Salamo 92:9

Anyin a wâ bi, Iehova, ta je iwahnaihmiöny möu, Wâ bi, ame he ka hia ta je iwahnaihmiöny möu; Adre me he ka oveseâ hia tavat adre me ânyâ hulo.

Salamo 97:10

Öbun tavat öbun e hnyok kö Iehova lö, ikikiâ thö monu: E ame tuö ta je hanon anyin wa kap; E ame hûgûnʼ ödra ûnyi hnyi hnyamen tavat ae kong.

Salamo 97:8

A long ut Ziona me senyin, Kʼ adre me hobâ wahlu laku Juda; Can hnâm ta je hna owisa, Iehova.

Esodo 20:6

ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Daniela 12:3

Ke haba tavat ae metâ, me adre me he ka umumelam helâ me melaminy drany; ke haba tavat adre me wia tavat ae se hia hnyi hwakecin ae wisa, me ödra helâ me ta je okhû nyiele balua.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Mataio 13:43

Ke haba tavat ae wisa, me adre me he ka hadröngöc helâ me seûno hnyi dökhu dokhon Kamödra. Haba at ae hu li hnyikonyen, long ju.

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

I. Korinito 8:3

a ne ke at ame hnyokâ Khong, awe, e ame wâ ûnykûme at eling.

Efeso 6:24

E so e unyibun hia ibetengiö baû, wale a tavat a wedra hnathoâ ka Tuhöta Iesu Keriso.

Deuteronomi 6:5

ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

Deuteronomi 7:9

Khanö u thö a Iehova Khongom, e thibi Khong; Khong ae hnathu, at ame tuö ûhihinyköu me ibetengiö ka tavat adre me hnyok kâu, me tuö anyin je hna hûna ka ta je dö a thauzan;

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

Hna Omanenâ 1:16

Ke e hu hnyi hnyamen a metân, je okhû a seven: ke ame o hnyi hnyimen hele vat a lo homakan ae so hwan: ke haba hnyimakan, me helâ me seûno ae hadröngöc hmönyin.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.

Hna Omanenâ 6:10

ke adre me ha hwegiâ, ka habe, Tabony Than lo, at ae kap me hnathu, ke ne o but kehö u me ca he ka hnö me bi hwaban dröhmun hon tavat adre me laba eang hmeledrany?

Owisa 3:11

Ke ame menâ hnyei hnyi fâte je huna. Ke ame mokcu Otheniela nöku Kenaza.

Owisa 3:30

Ke adre hom ûhnyûkongu Moab hnyi bong eling hmelen hnyamen at Isaraela. Ke ame i menâ hnyei eite je huna.