Owisa 5:3 - Iaai Bible 1901 (New Caledonia)

³ Long ju öbun je than; tivehlöng ju öbun je taben; Me oge me he bi nya ka khumöng kö Iehova; Oge me he ka khumongö olungâ ko Iehova, Khongon at Isaraela.

Owisa 5:3 ပူးပေါင်းရင်းမြစ်များ

Genese 6:17

Ke wâ bi, inya oge me he ka oûkhutukhavâ hmeledrany ge uoû, me me he ka ohia unyin hia ae hu hnyin homenâiny möt ûnyi eang hmelen; kʼ ame he ka mokcu ta je ûnyi hia thithö eang hmelen.

Genese 9:9

Wâ bi, inya oge me otilâ anyik ûhihinyköu möbun, me je mâtrân hwaböbun,

I. Je Than 18:22

Ke haba Elia ame ha ka tavat, ka habe, Inya thiju kolon ta je perofeta anyi Iehova; ke haba je perofeta anyi Baala, me ödrin foa haded ke fifte tavat.

I. Je Than 19:10

Haingen, ka habe, Inya oge ciâ ga Iehova, Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ hnyikânâi ânyâm taben hut, me hlingâ ânyâm je perofeta ge hele vat: ke hake inya thiju kolon; ke ödrin e elâm anyik möt he ka ohia e.

I. Je Than 19:14

Haingen, ka habe, Inya oge me ciâ ga Iehova Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ degecâ ânyâm je taben hut, me hlingâ ânyâm je perofeta ge hele vat; ke haba inya thiju kolon; ke ödrin e elâm anyik möt he ka ohiâ e.

Ezera 7:21

Ke haba inya, Aretaseta than, me oge me hûna ka tavat tuö omjeû hia thithö hnyi ke keihen hoton wagewe, a haba ta je ûnyi hia ame he Ezera at bihut, at a sihnalimen hnanyibu anyin Khongon drany, ka sumâtâ unyibun, me, adre me he ka ie ânyâ,

Salamo 119:46

Oge me he minya ka ûhnenamö hnyi hnyimakan je than hnâm ta je hna ohnathoâ, Ke oge me ca he ka hmehma.

Salamo 146:2

Oge me he ka oganö Iehova inye tiga möt. Oge me he ka khumöng oganâ Khonguk e me tiga inya ang.

Salamo 27:6

Ke walang ame he ka gorany bok hon ta je iwahnaihmiöny mönya hia igigili nya; Ke oge me he ka hudo je hudiny senyin hnyi umen uma mano; Oge me he ka khumöng, eke, oge me he ka khumöng olungi Iehova.

Salamo 61:8

Me oge me he ka khumöng ogânâ iâm nyiele balua, Mʼ inye he ka vheno thö anyik je khöbi hnyi je bong.

Esodo 31:6

Ke wâ bi, inya oge hia but kû Aholiaba noku Ahisamaka me me tha e me, ûnyi hnyi tribu Dana; ke oge hia but ip metâ eû hnyi hnyekon hnyat ae metâ hia, mʼ odrin e he ka ânyâ hia hnök hna hûna köu:

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Deuteronomi 32:1

DRANY lö, tevehlöng ju, ke oge me he ka fuc; Ke so hmeledrany ame löng ifucin hnyimök;

Deuteronomi 32:3

Anyin oge me he ka omanenâ iö Iehova; He thʼ öbun ka ogânâ Khonguta.

Owisa 5:7

Ame ba but je at musi hnyi Isaraela, e hiʼ ödrin, Ke ne o but oge me tot, a inya Debora, Me oge me tot, a ke hinyen hnyi Isaraela.