Owisa 5:14 - Iaai Bible 1901 (New Caledonia)

¹⁴ Ûhedrin hnyi Eferaima ke anyidra wân ûheny Amaleka; Kʼ ame he hotom Beniamina, aten em hnyei; Ke ame ok je taben ûheny Makir, Ke ûheny Zebulona tavat hok uciny at muso vat,

Owisa 5:14 ပူးပေါင်းရင်းမြစ်များ

Genese 35:22

Ke ame tiga laba Isaraela hnyi hnyei eling, me haba Reubena ame tha mokut me Bila, ke momo anyin kamen: ke a löng ut Isaraela. Ke ödrin twelv ta laku Jekob a baga;

Genese 35:23

haba je laku Lea; Reubena, nöku Jekob a bân, me Simeona, me Levi, me Juda, me Isakara, me Zebulona:

Genese 35:24

ke haba li laku Rakela; Josefa, me Beniamina:

Salamo 68:27

Wale Beniamina a wakeiat ame musi ödra, Me je taben at Juda me anyidrin dö, Me je taben at Zebulona, me je taben at Nafatali minya.

Hosea 5:8

Tûâ thʼ öbun sofa hnyi Gibea, me trutru hnyi Rama: kuku thö hnân haten hnyi Beth-aven; e hnyi hotom Beniamina.

Owisa 12:15

Ke ame mokcu Abedon nöku Hilel, at Pirathon, me adre me konâm e hnyi Pirathon hnyi hnyei Eferaima, hnyi hnyei ae hut anyin at Amaleka.

Owisa 3:13

Me e ame ûkhacaköuâ bi kâu laku Amona me Amabeka; me e ame he me kot Isaraela, me hûgûnâ tauniny je ûö pama.

Owisa 3:27

Ke e ame he but me tûâ trutru hnyi hnyei ae hut hnyi Eferaima, me ame tha utut lakon Isaraela mē ûheny hon hnyei ae hut, ke e ame bân.

Owisa 4:10

Ke haba Baraka ame hawâ at Zebulona me Nafatali Kadesi ai; ke ödrin ten thauzan tavat adre tha he mē: ke Debora ame tha he mē.

Owisa 4:14

Ke Debora ame ha kö Baraka, ka habe, Todrö, anyin a walang bong ame he Iehova ka hnö Sisera ka hnyi hnyamâm: hawa, ame ca bö Iehova hnyi hnyimâkâm? Ke Baraka ame utut ûheny hnyi bucen Tabora ke ten thauzan tavat adre me hnu hoton.

Owisa 5:13

Me ame ok ke kolon je taben, me tavat; Ke ame o könya Iehova, ûcon tavat ae hwege.