Owisa 5:1 - Iaai Bible 1901 (New Caledonia)

¹ ME haba Debora me Baraka nöku Abinoam, ödru me khumöng hnyi bong eling, ka habe,

Owisa 5:1 ပူးပေါင်းရင်းမြစ်များ

II. Samuela 22:1

KE Davita ame ha kö Iehova je hofuciny khumöng ang hnyi bong Iehova ame omelö e ûnyi hnyi hnyamen je iwahnaihmiony mē hia, me ûnyi hnyi hnyamö Saulo:

II. Man Ûlabainy Je Than. 20:21

Me e ame ûhnenamö me tavat, me otilâ tavat khumöng kö Iehova, me olungâ meciny hwakecin ae kap, ödrin ka he hnyi hnyimakan utbavat, me ha, ka habe, Ole thö kö Iehova, anyin a nyiele balua anyin ibetengiö.

II. Man Ûlabainy Je Than. 20:27

Ke ame hmetu but at Juda me Jerusalema hia, me Jehosafata hnyi hnyimaködrin, he ka he hmetu Jerusalema ai me senyin; anyin a Iehova ame osenyini ödrin hon je iwahnaihmiony mödrin.

Jobu 36:24

Ûnykûme ju he ka oganâ anyin huliwa, Waleji ame khumöngö hnen tavat.

Jobu 38:7

Hnyi ûen ame tha khumöng je okhû lany, Kʼ ame hongot senyin lakon Khong hia?

Salamo 18:1

IEHOVA lö, tang hwegiök, oge me hnyok köu.

Salamo 32:7

U thibi hnok hna lubaduöng; u me he ka tuö nya ge vec; U me he ka igigili nya ge je khumönginy ûhomeli. [Sela.

Esodo 15:1

KE haba Mose me lakon Isaraela adre me tha khumöngö khumöng eang, ka habe, Oge me he ka khumöng kö Iehova anyin a e ame ti hom dökhu: A hia but khûâ hos me at ame tabâ ka hnyi köiö.

Esodo 15:21

Ke haba Miriama ame thu me ha, ka habe, Khumöngö thʼ öbun kö Iehova, anyin a e ame ti hom dökhu; A hia but khûâ hos me at ame tabâ ka hnyi köiö.

Isaia 25:1

IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 26:1

HNYI bong eling adre me he ka sit khumöng ang hnyi hnyei Juda, ka habe, E hu but gata taun ae hwege; e ame he ka otilâ ûhomeli hnân hak me singiny.

Numera 21:17

Me haba at Isaraela adre me khumongö khumöng eang, ka habe, An lö pupua thö; khumöng dö kâu;

Luka 1:46

Ke haingö Maria, ka habe, Haba hnyekuk ame ogânâ Than,

Owisa 4:24

Ke haba hnyamen lakon Isaraela ame musi hmetu hu Jabin than Kanana, ke ne o but adre ohiö Jabin than Kanana.

Owisa 4:4

Ke haba Debora perofeta momo, öiö Lapidoth, e at owisa ka at Isaraela hnyi ûen e.

I. Samuela 2:1

KE haba Hana ame hic me ha, ka habe, Ame senyin hnyekuk ga Iehova, Ame ogöranyâ anyik faoiny meno unyi Iehova: Adre ogânâ hnyimök hon je iwahnaihmiony mönya; Anyin a oge hobâ ûhomeli ûnyi gam.