Owisa 4:3 - Iaai Bible 1901 (New Caledonia)

³ Haba lakon Isaraela ödrin e tenge kö Iehova: anyin ae hu gan nain haded je kariota fao; ke twente je huna e ame hom ûhnyûkongo hwegiâ lakon Isaraela.

Owisa 4:3 ပူးပေါင်းရင်းမြစ်များ

Salamo 106:42

Kʼ ame sedʼ ödra hnen je iwahnaihmiöny mödra, Mʼ adre me oûhnyûkongoi ödra hnyi hmelen ta je hnyamödra.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 78:34

Hnyi ûen e ame hlingʼ ödra, me adre me elâm dö e: Adre me hmetuhmetu, me hwege hnö Khong.

Esodo 2:23

Ke hwaban ta je bong e ae se hia, a mokcu than Aigupito; kʼ ame mâng je lakon Isaraela can hna hwenbʼ ödra kʼ adre me hongot tenge, kʼ ame o but ka Khong anyidra hwatenge can hna hwenbʼ ödra.

Deuteronomi 28:29

ke u me he ka khaûteta hnyi jebigö, helâ me at ae wadröu ame khaûteta hnyi lit, kʼ u me ca he ka hnahic hnyi dem je gethen, ke adre me he ka okongu u me hûgûnâ ânyâm ta je ûnyi hnyi je bong hia, ke ba at ame he ka omeli u.

Deuteronomi 28:33

Haba wan kânâm kânâ, me ânyâm ta je huliwa hia, me ame he hnyei kanyua he ka han hia thibut; kʼ adre me he thibi ka okongu u, me hlic u balua:

Josua 17:16

Me ame ha je laku Josefa, ka habe, E ca ûcû kohmun bucen: ke haba at Kanana adre me laba hnyi hnyigöulen bucen me ödrin e tren je kariota fao, wale tavat hnyi Bethe-seama me je tauniny, me tavat minya hnyi hnyigöulen bucen e Jezerela.

Owisa 1:19

Ke o bi Iehova unyi Juda; me e ame obâ tavat odrin e laba hnyi hnyei ae hut; ke ca khana bi he ka obâ tavat odrin e laba hnyi hnyigöulen bucen, anyin ae hu gadrin je kariota fao.

Owisa 10:10

Haba lakon Isaraela ödrin e tenge kö Iehova, me ha, ka habe, Ohmun e hia but ânyâ hulö köu, wale ohmun e hna degecâ Khonguhmun, me bi athnyaba bi ka je Baala.

Owisa 10:16

Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.

Owisa 3:15

Ke ame tenge kö Iehova lakon Isaraela, me Iehova ame oâ ködrin at hnân omelö, jia Ehuda nöku Gera, at Beniamina, e at ae me benyin: ke haba lakon Isaraela ödrin e kunâ e me bwihlany kö Egelona than Moaba.

Owisa 3:9

Ke ame tenge lakon Isaraela kö Iehova, me Iehova ame oâ ka lakon Isaraela at hnân omelö, ke e ame omeli ödrin, jia Otheniela nöku Kenaza kei Kaleba.

Owisa 4:13

Me haba Sisera ame ûkhacaköuâ anyin ta je kariota hia, nain haded je kariota fao, me tavat hia unyin, ûheny Haroseth hnyi je hnyei, ka hnyi wagewe Kisona.

Owisa 4:4

Ke haba Debora perofeta momo, öiö Lapidoth, e at owisa ka at Isaraela hnyi ûen e.

Owisa 5:8

Ke adre me ûca je khong kanyua; Me ame o vat ka hnyi je homagöule: Hawa, e hu bec ame ne ö adre wâ Unyin je fâte thauzan hnyi Isaraela?

Owisa 6:6

Ke gan hmâ ba ta ûnyi anyin at Isaraela can at Midiana; me haba lakon Isaraela adre me tenge kö Iehova.

I. Samuela 7:8

Ke haba lakon Isaraela adre me ha kö Samuela, ka habe, U me ca he ka menâ khöûʼ ohmun kö Iehova Khongutin, me me omeli ota ûnyi ge at Filisiti.