Owisa 4:14 - Iaai Bible 1901 (New Caledonia)

¹⁴ Ke Debora ame ha kö Baraka, ka habe, Todrö, anyin a walang bong ame he Iehova ka hnö Sisera ka hnyi hnyamâm: hawa, ame ca bö Iehova hnyi hnyimâkâm? Ke Baraka ame utut ûheny hnyi bucen Tabora ke ten thauzan tavat adre me hnu hoton.

Owisa 4:14 ပူးပေါင်းရင်းမြစ်များ

Genese 19:14

Ke Lota ame didrut me ûhnenamö me laûngon, hnyat ödrin e hom lakon je hlu, me haingen, ka habe, Todrö, kec dö ge dok ang, anyin ame he Iehova ka ohia hnyei. Ke laungon ödrin e ûnykûme a gʼ ame ûhiö.

Genese 44:4

Ke ödrin e he but ûhedrin hnyi taun, kʼ ödrin tiga ca sâkâû, me Josefa ame ha ka at ame tuö hnyaban, ka habe, Todrö, wadring dö hoton je hnyat, ke u ka hom tilʼ ödrin, ha thö ködrin, ka kabe, Ieû gabun obune bi hwaban so hnen kong?

II. Samuela 5:24

Ke u ka long dö hwa he ethö hon sabaka, awe, ie utut: anyin a Iehova ame hia but bân hnyi hnyimâkâm, be ka kot utbavat anyin at Filisiti.

Isaia 52:12

Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

Mika 2:13

Ame he at thö hnyi hnyimakodra: adre me hia but utut me be thö ka hnyi homagoule, me didrut hnyin: ke haba tuhödra ame he hnyi hnyimakodra, ke Iehova a hnyimakan kodra.

Deuteronomi 9:3

Ke ame he ka khanö u hnyi bong ang a Iehova Khongom ame hnyimakan ânyâm bunyen, e meic ae han; ke e ame he ka ohiʼ ödra, me oûhnyûkongu ödra: ke u me he ka obʼ ödra, me ie ohiʼ ödra, helâ me Iehova ame ha köu.

Josua 10:8

Ke haba Iehova ame ha kö Josua, ka habe, Ca ot gadra: anyin oge hia but hnʼ ödra ka hnyi li hnyamâm; ke ame ca he ke at gadra ka tot hnyi hnyimâkâm.

Josua 7:13

Höhöi thö me okabâ thö tavat, me ha, ka habe, Okabi öbun dö hobi kâu nyi: anyin a walang ame ha Iehova Khongu Isaraela, ka habe, Isaraela lö, e hu ûnyi adre nyiboâ unyâm: ke ca kbanö u he ka tot hnyi hnyimakan je iwahnaihmiony mou, ke ne o but öbun e hom degecâ ûnyi adre hake ip unyibun.

Owisa 19:28

Ke haingen kâu, ka habe, Todrö, mʼ otin e he; me ame ca thu bi: me e ame kât momo me ip hon asina; ke ame todrö at me he ka hnyi hnyaban.

Owisa 4:10

Ke haba Baraka ame hawâ at Zebulona me Nafatali Kadesi ai; ke ödrin ten thauzan tavat adre tha he mē: ke Debora ame tha he mē.

Owisa 7:9

Ke haba hnyi lit eling, Iehova ame ha kâu, ka habe, Todrö, me utut ka hnyi hna hunuma; anyin a oge hia but hna e ka hnyi hnyamâm.

I. Samuela 9:26

Ke ödrin e vesâ kong: ke haba hnyi haolany, me Samuela ame hongot kö Saulo hon ban uma me ha, ka habe, Todrö, mʼ inye he ka kunö u. Me ame todrö Saulo, ke ödru me tha he hââng a e me Samuela.