Owisa 3:28 - Iaai Bible 1901 (New Caledonia)

²⁸ Me e ame ha ködrin, ka habe, Hnu hotuk: anyin Iehova ame hna at Moaba je iwahnaihmiony ka hnyi hnyamöbun. Ke ödrin e utut mē, me tuö je dok ae cöcö hnyi Joridano ûcon at Moaba, ke adre me ca hna ke at a khaca ame he hanyâûâ.

Owisa 3:28 ပူးပေါင်းရင်းမြစ်များ

I. Je Than 20:21

Ke haba than Isaraela ame he me kât je hors me kariota, me hlingâ at Suria ke se hia hna hlingâ.

Josua 2:7

Ke haba tavat ödrin e wadring hotudru hnyi gethen deny Joridano, ke ne o but hnyi je dok ae cöcö: ke adre me ie hlöng homagöule hwaban hna didrut tavat he ka hnu hotudru.

Owisa 10:11

Ke haba Iehova ame ha ka lakon Isaraela, ka habe, Hawa, oge ca omeli öbun ûnyi ge at Aigupito, me at Amora, me laku Amona, me at Filisiti!

Owisa 12:5

Ke haba at Gileada ödrin e khaletâ je dok ae cöcö hnyi Joridano, ke tiga bec at Eferaima: ke ame ne ha at Eferaima, tavat adre me kec, ka habe, Hne dek dö he ka hanyâûâ, me haba at Gileada ödrin e ha kâu, ka habe, U at Eferaima? Ke ame ne ha, e ba,

Owisa 3:29

Ke ödrin e kot at Moaba hnyi ûen eling helâke ten thauzan tavat, tavat hia ae hunyin, ke tavat hia ae hwege; e ba at ame kec möt.

Owisa 4:10

Ke haba Baraka ame hawâ at Zebulona me Nafatali Kadesi ai; ke ödrin ten thauzan tavat adre tha he mē: ke Debora ame tha he mē.

Owisa 7:14

Me ame thu hnen hanen, ka habe, Wale hele vat anyi Gideona, nöku Joasa, a at Isaraela: a hia but Khong hna at Midiana, me anyidrin utbavat hia ka hnyi hnyamen.

Owisa 7:15

Ke a long ut Gideona hna ha bwi ke bongon e, me ame khudrung; me e ame hmetu ka hnyi hna hunuma anyin at Isaraela, me ha, ka habe, Todrö, anyin a hia but Iehova hna vat anyin at Midiana ka hnyi hnyamöbun.

Owisa 7:17

Ke e ame ha ködrin, ka habe, Wâ hwakecik, me ânyâ helâe: ke wâ bi, iny ka o but ka hnyi hoton hna hunuma, me öbun e he ka ânyâ helâ me oge me ânyâ.

Owisa 7:24

Me haba Gideona ame kunâ je metâ ka hnyi hnyei ae hut hnyi Eferaima hia, me ha, ka habe, Utut öbun ûcon at Midiana me hûgûnâ bânâ wagewe ke ne o but hnyi Bethe-bara, wale Joridano. Me ame ûkhacaköu at Eferaima hia me hûgûnâ wagewe ke ne o but ka hnyi Bethe-bara, wale Joridano.

Owisa 7:9

Ke haba hnyi lit eling, Iehova ame ha kâu, ka habe, Todrö, me utut ka hnyi hna hunuma; anyin a oge hia but hna e ka hnyi hnyamâm.

I. Samuela 17:47

me me he minya ûkhacaköu eang ka wâhmakhmeto a Iehova ame ca ûhomeli ge hele vat me ö: anyin a haba vat anyi Iehova, me e ame he ka hnʼ öbun ka hnyi hnyamöhmun.