Owisa 3:12 - Iaai Bible 1901 (New Caledonia)

¹² Ke ame ânyâ hmetu bi ûnyi ae kong hnyi huyimakö Iehova lakon Isaraela: ke Iehova ame siwhegiö Egelona than Moaba ka at Isaraela, can ödrin e ânyâ ûnyi ae kong hnyi hnyimakö Iehova.

Owisa 3:12 ပူးပေါင်းရင်းမြစ်များ

II. Je Than 5:1

HABA Naamana a taben vat anyin than Suria, me e at ae gan unyin tuhan, kʼ adre me ogânâ, anyin a Iehova ame omelö at Suria a deny e; ke e at ae hwege, ke lepera bi.

Esodo 9:16

ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.

Isaia 10:15

Hawa, ame he gö ka ohobeluâ hon at ame nang e? ame he gili ka ogânâ e ka at ame obwebwelâ e? helâke hnen osö hna obwebwelâ at ame nang e, ke helâke hnen uci hna kap goranyai at a ca utö bi.

Isaia 37:26

Hawa, u je ca long a oge ânyâ e kâû adrem, ke oge mâdrâ e hnyi je bong a bân? walang ang oge hia but ohwâdâ mu me he ka öba je taun adre up haginy me me je ve ta ûnyi.

Ezekiela 38:16

ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra.

Daniela 4:22

than lö, u ling, anyin a u gan hmâ me hwege; ke ame kû gan ânyâm lung ke ne o thö hnyi drany, me ânyâm musi ke ne o but hnyi je can hmeledrany.

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Hosea 6:4

Eferaima lö, ie ûnyi oge me he ka ânyâ köu Juda lö, ie ûnyi oge me he ka ânyâ köu anyin ae ûcû anyibu so me ûlâ hnyi hnyomakatu, ke helâ me dân hau ae logot hia.

Ioane 19:11

Iesu ame thu kâu, ka habe, Adre ne ca ham köu ûnyi ethö me ba ânyâm musi huk: waleling me me gan hulö anyin at a ham nya köu.

Owisa 2:11

Ke haba lakon Isaraela ödrin e ânyâ ûnyi ae kong hnyi hnyimakö Iehova, me bi athnyabainy je Baala:

Owisa 2:14

Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.

Owisa 2:19

Ke a mokcu at owisa, me Ödrin e hmetu me okongu ödrin bi hon hwakecin lakamödra me hnu hoton je khong me bi athnyabaidrin me khudrung ködrin; ke adre me ca degec anyidrin je huliwa me hwakecidrin ae ûjöng.

Owisa 3:11

Ke ame menâ hnyei hnyi fâte je huna. Ke ame mokcu Otheniela nöku Kenaza.

I. Samuela 12:9

Ke ödrin e hnying Iehova Khongudrin, me e ame ûcû ödrin ka hnyi hnyamö Sisera, taben utbavat anyi Hazora, me ka hnyi hnyamen at Filisiti, me ka hnyi hnyamen than Moaba, me, ödrin e vat mödrin.