Owisa 21:4 - Iaai Bible 1901 (New Caledonia)

⁴ Ke nyi hnyomakatu, ame vesâkong tavat, me otilâ eling taben hut, me hudo je hudiny leû, me hudiny ûsoköu.

Owisa 21:4 ပူးပေါင်းရင်းမြစ်များ

II. Samuela 24:18

Ke ame o but Gada kö Davita hnyi bong eling, me ha kâu, ka habe, Ölö thö, me otilâ taben hut kö Iehova hnyi hna huje hwit anyi Aruna at Jebusi.

II. Samuela 24:25

Ke haba Davita ame otilâ taben bi hut kö Iehova eling, me hudo je hudiny leû, me je hudiny ole. Ke Iehova ame kap je hna khöû hobi kâu hnyei, me ame hia ju mok ae cap unyin at Isaraela.

I. Je Than 8:64

Ke hnyi bong eling than ame okabâ wanben hnyeule ae hnyi hnyimakan uma umö Iehova; anyin a e ame hudo eling hudiny leû, me hudiny han, me pipikhenyainy hudiny ole: anyin ae ûhnyûkong taben hut a bras hnyi hnyimakö Iehova, ke ca ûcû bi hobi kâu hudiny leû, me hudiny han, me pipikhenyainy hudiny ole.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Deuteronomi 12:5

Ke haba dok ame he Iehova Khongubun ka ûca ûnyi hnyi anyibun je tribu hia me me ip eling ien bi, awe öbun e he ka elâm e wale hnyaban me he kâ e:

Heberu 13:10

E hu but gata taben hut, waleji ae ca ûcû ka tavat adre me huliwa hnyin uma menâ he ka hnyi han ûnyi hnyin.

Owisa 20:26

Me ame he lakon Isaraela hia me tavat hia, me o hnyi Beth-ela, me tenge, me laba e hnyi hnyimakö Iehova, me ca han hnyi bong e ke ne o but sahac; me ödrin e hudo je hudiny leû, me je hudiny ûsoköu hnyi hnyimakö Iehova.

Owisa 21:3

Ke ödrin e ha, ka habe, Iehova lö, Khongu Isaraela, anyin a ieû ame o ûnyi eang hnyi Isaraela, a gʼ ame hia but hnyi Isaraela ke tribu hnyi bongʼ ang!

Owisa 6:24

Me haba Gideona ame otilâ taben hut eling kö Iehova, me hwenyi ien e Iehova-salom: ke ka e bi hnyi Ofera anyin at Ahiezera, ke ne o but hnyi bong ang.

Owisa 6:26

ke u me he ka otilâ taben hut kö Iehova Khongom hnyi hon ban hnabâ ae hwege eling, ge huliwa ae ûcû, me hom dö bolok a loiny me me hudo hudiny leû hon ûtoiny Aseira u me he ka sö degecâ.

I. Samuela 7:17

Ke e ame labö hmetu Rama ai, anyin a waleling umen uma; ke e ame owisa eling ka at Isaraela: ke e ame otilâ eling ke taben hut kö Iehova.