Owisa 21:21 - Iaai Bible 1901 (New Caledonia)

²¹ ke wâ bi, ame ne didrut je hluiny Silo he ka bibiâ, me öbun e he ka o ûnyi hnyi je hnyei vine, me ve khot âiân je hluiny Silo, me he ka hnyi hnyei Beniamina.

Owisa 21:21 ပူးပေါင်းရင်းမြစ်များ

II. Samuela 6:14

Ke Davita ame biâ hwege hnyi hnyimakö Iehova; ke Davita ame weikâ iefoda lino.

II. Samuela 6:21

Ke haingö Davita kö Mikala, ka habe, Wale hnyi hnyimakö Iehova at ame ûco nya hon kâmâm me anyin lap hia, he ka otilö nya hnân taben tavat anyi Iehova, a Isaraela: wale me inye he ka khumöng dö hnyi hnyimakö Iehova.

Salamo 149:3

E so adre me he ka ogânâ ien ge bibiâ: E so adre me he ka khumöng olungâ e ge bwinybet me kitara.

Salamo 150:4

Ogânâ thö e ge bwinybet me bibiâ: Ogânâ thö e ge ûnyi khumöng ae hu toiny, me utkowi.

Esodo 15:20

Ke Miriama perofeta momo, hani Arona, ame hom bwinybet hnyi hnyamen; ke omomo hia ae ve hu bwinybet odrin e he hoton me bibiâ.

At Khet 3:4

ûen tenge, me ûen hluma: ûen hnyamok, me ûen bibiâ;

Khumöng Hwanyi Solomona. 6:13

Hmetu ju, hmetu ju, at Sulami; Hmetu ju, hmetu ju, mʼ öhmun e he ka ō u. Öbun e he ka wâ at Sulami geû, Helâ me li deo biâ?

Jeremia 31:13

Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Mataio 10:17

Ke wâ eâu tavat: anyin adre me he ka hnʼ öbun dut ka tavat ûhnei, ke adre me he ka kuc öbun hnyi umödra ta je sunago;

Luka 17:25

Ke hamen he ka mē vec ge ta je ûnyi ae se hia, me hota degecâ hnen dö ang.

Owisa 11:34

Ke ame o thö Jefetha hnyi Mizepa ka hnyi hnyaban, me wâ bi, ame o thö nokon hlu he ka ukhanö mē, me je bwinybet me bibiâ: ke hake e thibi nokon, ke ba hmetu nokon baga me hlu.

Owisa 21:20

Ke adre me ha ka laku Beniamina, ka habe, He thʼ öbun, me mokut hnyi je hnyei vine:

I. Samuela 18:6

Ke hnyi ûen adre me o, wale Davita ame hmetu ûheny hnyi hna kot at Filisiti, me ame he omomo ûnyi hnyi ta je taun hia hnyi Isaraela, kʼ ödrin e khumöng ma bibiâ he ka ûkhanö me Saulo, me je bwinybet, me senyin, me je ûnyi khumöng.