Owisa 20:34 - Iaai Bible 1901 (New Caledonia)

³⁴ Ke i ame he ka tet metâ me Gibea ödrin ten thauzan je hna ûca a lahanen at Isaraela hia, ke gan hmâ hna vat, ke ca khanʼ Ödrin ae hakekenyi ödrin dut ûnyi ae kong.

Owisa 20:34 ပူးပေါင်းရင်းမြစ်များ

Jobu 21:13

Ödrin e laba sot hnyi bongudrin je bong, Me utut ka hnyi erkemok helâ me thuthubademak.

Ta je Vejec 29:6

E hu hnewe hnyi hna hanyâûâ hnen at ae kong: Kʼ ame khumöng me senyin at ae wisa.

Ta je Vejec 4:19

Haba gethen deny tavat ae monu me helâ me menekholom: Adre me ca wâ bi ûnyi adre thö hnyin.

At Khet 9:12

Anyin a haba at, e ca khana bi ûen: helâ me ta je wâ adre me hnok hnyi ert, me ta je meno adre me hnok hnyi hnewe, ke ame hnok dö e ûcû mödra tavat hnyi ûen ae kong, e ka ie o ködra.

Isaia 47:11

Anyin a wale ame he ka o köu ûnyi ae kong, ke u me ca he ka wâ deny ame he ka o hnyin: ke ame he ka o köu ûokonguny ke ca khanö u he ka onua: ke ame he ka ie o köu hnaûhango ke ca khanö u bi.

Mataio 24:44

Anyin a wale laba penapena thʼ öbun: anyin a hnyi ûen öbun e ca ûnykûme bi ame he ka o but Nokon at.

Luka 21:34

O ʼbun âu, wâ e nye hmak je hnyekubun ge hna han gânâ, me hna ijem gânâ, me hna ûnykûme möt ang, me ame he ka o bong eling me outhmoki öbun helâ me hnewe:

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

Josua 8:14

Ke a wâ e than Ai, me ödrin e mweimwei me vesâ, ke ame utut aten taun ka at Isaraela he ka vat, a e me lakeiny hia, hnyi ûen adre thu, ka hnyi ke dok cicö hnyebuba; ke ca khana a gʼ ame hu tavat adre me mokut duöng kâu hnyi hoton taun.

Owisa 20:35

Ke haba Iehova ame kot at Beniamina hnyi hnyimakan at Isaraela; ke haba lakon Isaraela ödrin e ota hnyi bong eling at Beniamina, ödrin twente faiv thauzan ke wan haded: tavat hok hele vat hia.