Owisa 20:26 - Iaai Bible 1901 (New Caledonia)

²⁶ Me ame he lakon Isaraela hia me tavat hia, me o hnyi Beth-ela, me tenge, me laba e hnyi hnyimakö Iehova, me ca han hnyi bong e ke ne o but sahac; me ödrin e hudo je hudiny leû, me je hudiny ûsoköu hnyi hnyimakö Iehova.

Owisa 20:26 ပူးပေါင်းရင်းမြစ်များ

Genese 28:19

Ke e ame hwenyi ien dok e, me, Bethela: ke Luza ien hnyei e a bân.

II. Samuela 3:35

Ke ame o but tavat biâ ka kunö Davita ka han falawa e me tiga lany; ke Davita ame khemanyin, me ha, ka habe, Hamen Khong he ka ânyâ helâe könya me bi hanen minya, oge ne kâlâ falawa, ame ne ke jeû bi, e ka tiga ca dit bi seûnö.

II. Man Ûlabainy Je Than. 20:3

Ke haba Jehosafata ame ot me hwân he he ka elâm unyi Iehova: me otilâ he ka ca han ehe e hnyi Juda hia.

Ezera 8:21

Ke oge me haimemenâ ûen he ka ca han eling hnyi wagewe Ahava, me hom ûhnyûkongi öhmun bi hnyi hnyimakan Khonguhmun, he ka elâm gan dehmun gethen ae wisa, me je wanakat gahmun, me anyihmun ta je ûnyi hia thithö.

Jeremia 36:9

Ke haba hnyi huna a thabûngi Jehoiakima nöku Josea, than Juda, hnyi tehi a naininy, me ame haimemenâ he ka ânyâ ca han hnyi hnyimakö Iehova hnen tavat hia hnyi Jerusalema, me tavat hia tavat adre me he ûnyi hnyi je tauniny Juda Jerusalema ai.

Joela 1:14

Thu bongon ju he ka ca han, hawâ thö ûkhacaköu ae ûnyi hnathu; ûkhacaköu â thö wahingat me aten hnyei hia ka hnyi uma umo Iehova Khongubun, ke tenge thʼ öbun kö Iehova.

Josua 24:1

KE haba Josua ame ûkhacaköuâ je tribu Isaraela hia hnyi Sekema, me hawâ wahingatiny at Isaraela, me je ban, me je hnyat owisa, me je homakan gadra; me adre me o hnyi hnyimakan Khong.

Josua 7:6

Ke haba Josua ame kia anyin je ûkhaû, me ta but hnyikânâi hnyi hnyimakan tang anyi Iehova ke ne o but sahac, a e me wahingatiny Isaraela; ke ödrin e ip dröu hon je bodrin.

Owisa 20:18

Ke ame todrö lakon Isaraela, me he Beth-ela ai, me elâm unyin Khong, me ha, ka habe, Hamö ia he ka bân me vat me laku Beniamina? Me Iehova ame ha, ka habe. Bân at Juda.

Owisa 20:23

(Ke ame he lakon Isaraela me tenge hnyi hnyi-makö Iehova ke ne o but hnyi sahac; ke ödrin e hnei Iehova me ha, ka habe, Hawa, oge me he hmetu he ka vat me laku Beniamina je liamekeiny mönya? Ke Iehova ame ha, ka habe, He thö ködrin.)

Owisa 20:25

Me ame he Beniamina ködrin ûheny Gibea hnyi bong eling a loiny, me kot hnyikânâi eitin thauzan minya lakon Isaraela, a hnyat hok hele vat hia.

Owisa 21:2

Ke ame o but tavat hnyi Beth-ela, me laba eling ke ne o but sahac hnyi hnyimakan Khong, ke ödrin e tenge thungaû gan hmâ.

Owisa 21:4

Ke nyi hnyomakatu, ame vesâkong tavat, me otilâ eling taben hut, me hudo je hudiny leû, me hudiny ûsoköu.

I. Samuela 11:4

Me ame o je metâ hnyi Gibea i Saulo me thumeto tavat ge ta je hofuc eling: me ame tenge gan hmâ tavat hia.

I. Samuela 7:6

Me ödrin e ûkhacaköu hnyi Mizepa, me seköiö, me hingâlâ hnyi hnyimakö Iehova, me ca han hnyi bong eling, me ha eling, ka habe, Ohmun e hia but ânyâ hulö kö Iehova. Ke Samuela ame owisa ka lakon Isaraela hnyi Mizepa.