Owisa 20:23 - Iaai Bible 1901 (New Caledonia)

²³ (Ke ame he lakon Isaraela me tenge hnyi hnyi-makö Iehova ke ne o but hnyi sahac; ke ödrin e hnei Iehova me ha, ka habe, Hawa, oge me he hmetu he ka vat me laku Beniamina je liamekeiny mönya? Ke Iehova ame ha, ka habe, He thö ködrin.)

Owisa 20:23 ပူးပေါင်းရင်းမြစ်များ

II. Samuela 3:35

Ke ame o but tavat biâ ka kunö Davita ka han falawa e me tiga lany; ke Davita ame khemanyin, me ha, ka habe, Hamen Khong he ka ânyâ helâe könya me bi hanen minya, oge ne kâlâ falawa, ame ne ke jeû bi, e ka tiga ca dit bi seûnö.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Josua 7:6

Ke haba Josua ame kia anyin je ûkhaû, me ta but hnyikânâi hnyi hnyimakan tang anyi Iehova ke ne o but sahac, a e me wahingatiny Isaraela; ke ödrin e ip dröu hon je bodrin.

Josua 7:7

Ke Josua ame ha, ka habe, Ekölö Than Iehova, ieû gam u je hom tavat eang he ka hanyâûâ Joridano, mʼ u me he ka hnʼ öhmun ka hnyi hnyamen at Amora, he ka ohiʼ öhmun? e na sekuhmun he ka laba hnyi ke kheihen Joridano e deiö!

Owisa 1:1

HWABAN imeki Josua haba lakon Isaraela adre me hnö unyi Iehova, ka habe, Ia ame he ka bân ka he hobi kohmun ka at Kanana me vat mödrin?

Owisa 20:18

Ke ame todrö lakon Isaraela, me he Beth-ela ai, me elâm unyin Khong, me ha, ka habe, Hamö ia he ka bân me vat me laku Beniamina? Me Iehova ame ha, ka habe. Bân at Juda.

Owisa 20:22

Ke haba tavat a lakon Isaraela ödrin e sihwegiödrinköuödrin, me tot metâ hmetu he ka vat hnyi dok ödrin e tot metâ hnyin hnyi bong a bân.

Owisa 20:24

Me haba lakon Isaraela ödrin e hakekenyâ laku Beniamina hnyi bong a loiny.

Owisa 21:2

Ke ame o but tavat hnyi Beth-ela, me laba eling ke ne o but sahac hnyi hnyimakan Khong, ke ödrin e tenge thungaû gan hmâ.

I. Samuela 10:3

Ke u me he ka he ûhem e, me u je he ka o hnyi iwajo anyi Tabora, me ame be ka ûkhanö mou eling kun ta hnyat, ödrin e he Beth-ela ai ka Khong, ke at ame hom tilâ kun ta nokon got, ke ke at ame hom tilâ kun ta areto, ke ke at ame hom tilâ tap waina:

I. Samuela 11:4

Me ame o je metâ hnyi Gibea i Saulo me thumeto tavat ge ta je hofuc eling: me ame tenge gan hmâ tavat hia.

I. Samuela 7:6

Me ödrin e ûkhacaköu hnyi Mizepa, me seköiö, me hingâlâ hnyi hnyimakö Iehova, me ca han hnyi bong eling, me ha eling, ka habe, Ohmun e hia but ânyâ hulö kö Iehova. Ke Samuela ame owisa ka lakon Isaraela hnyi Mizepa.