Owisa 20:13 - Iaai Bible 1901 (New Caledonia)

¹³ Ke walang ang, hom but jem je atö Belial hnyi Gibea, mʼ ohmun e he ka hlingʼ ödrin, me ohia hulö hnyi Isaraela. Ke höcö laku Beniamina he ka long hofuc hwan je liamekeiny mödrin a lakon Isaraela.

Owisa 20:13 ပူးပေါင်းရင်းမြစ်များ

II. Samuela 20:1

KE e hu eling ke at Belial, Seba ien, nöku Bikeri, at Beniamina: ke e ame tûâ trutru, me ha, ka habe, E ba ke keihöhmun unyi Davita, ka ba jekhöûhmun unyin laku Jese: vese but ka hnyi umöbun je uma mano, Isaraela lö.

II. Samuela 23:6

Ke ame he tavat Belial hia thithö ka helâ me je ûdedö adre degec, Anyin adre me ca he bi ka kât je hnyam:

I. Je Than 21:13

Ke a o thö li at, a li at Belial, me laba hnyi hnyimakan: ke haba li at Belial ödru me bi fuco e, jia Nabotha, hnyi hnyimakan tavat, me ha, ka habe, A hia but Nabotha bi gan ka Khong me than. Me ödrin e hom e ka hnyi hoton taun, me luâ e ge veto me e ame mokcu.

II. Man Ûlabainy Je Than. 13:7

Ke a hia but ûkhacaköu kâu tavat ae monu, je atö Belial, wale ödrin e ohwegiʼ ödrin bi kö Reoboama nöku Solomona, ke tiga hidröu Reoboama, me tiga but hnyekon, ke ca khana bi he ka hlic ödrin.

II. Man Ûlabainy Je Than. 25:16

Ke e ame tiga fuc kâu, me haingen than kâu, ka habe, Hawa, ohmun e hia but otilö u he ka hnyi hanen ûhnenamö anyin than? soju anyin a ieû adre me he ka hlingö u? Me haba perofeta ame um ju, me ha, ka habe, Oge me wâ but a Khong ame ûnykûme he ka ohiö u, can u je hia but ânyâ ûnyi eling, me ca long hnok hna nö u.

II. Man Ûlabainy Je Than. 25:20

Ke ame ca long bi Amazia; anyin a ûnyi ga Iehova mʼ adre me he ka hnʼ ödrin ka hnyi hnyamen ta je iwahnaihmiony mödrin, anyin a ödrin e hia but elâm unyin je khongon Edoma.

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

At Khet 11:10

Anyin a wale, degec ut vec ûnyi hnyi hnyekom, ke ûsâkâûö but me hulo: anyin ae thatûnyi ûen wanakat me hmai.

Hosea 10:9

Isaraela lö, u je hia but ânyâ hulö hwân hnyi je bong bongu Gibea: adre me tot eling, me me ca he ka khöû ödra hnyi Gibea hnen vat me lakon hulö.

Hosea 9:9

Adre me ka oikiki ödra, helâji me hnyi je bong bongu Gibea: ke e ame he ka ûnykûme hwakecidra ae kong, me bi hwabananyidra je hulo.

Roma 1:32

ke khanʼ ödra hna hûna hnen Khong, a e ûcû kodra he ka mok, ödra ka ânyâ ta je ûnyi e, ke adre me mâdrâ ta je ûnyi eling, kʼ adre me ogʼ ödra minya bi tavat adre me ânyâ.

I. Korinito 5:13

ke Khong ame owisa tavat adre me laba eû hnyöu? Obâ but unyibun at ae kong.

II. Korinito 6:15

Ke ame he ka hawa ka tha hnyok Keriso me Belial? ke ame he ka kâmâu ka tha jekhon at labageju me at ame ca labageju bi?

Deuteronomi 13:13

A he but ke je hnyat ae kong ûheny unyâm, ke ödrin e hia but thang aten anyidrin taun, me ba, ka habe, E so ötin e he ka bi athnyabainy ke je khong ae ca khanʼ öbun;

Deuteronomi 13:5

Ke haba at eji, ame ne perofeta, kʼ ame ne at bwi, me adre me he ka hlingâ; anyin a e ame hia but ûkhin fuc kö Iehova Khongubun at ame hum öbun ûheny hnyi hnyei Aigupito, me ûcû u ûnyi hnyi hnyaba ae ûthaluo, he ka lili u ûnyi hnyi gethen waleji Iehova Khongom ame hûna köu he ka vheno. Me u ma he ka ohia helâe hulö unyâm.

Deuteronomi 13:6

Ame ne alecuâ duöngi u hnen liamekeiny mou a nokon hinyâm, kʼ ame ne nokom baga me hlu, kʼ ame ne âiâm, kʼ ame ne waem at u me hnyokâ, ke haingen, ka habe, E so otu me he ka bi athnyabainy ke je khong ae ca khanö u me lakâmâm;

Deuteronomi 17:12

Ke haba at ame he ka sheshamökâ, kʼ ame ca löng hoton at bihut a at ame labö huliwa eling hnyi hnyimakö Iehova Khongom, ame ne at owisa, me ame he ka mok at eling: me u me he ka ohia hulö unyi Isaraela.

Deuteronomi 17:7

Ke ame he ka bân je hnyamen hnyat ohnatho hon he ka hlingâ, ke biliny bi je hnyamen tavat hia. Me waleling u me he ka ohia ta je ûnyi ae kong unyâm.

Deuteronomi 19:19

awe, hamöbun he ka ânyâ kâu helâ me hnen hna ûnykûme he ka ânyâ ka liamekeiny mē: helâe u me he ka ohia hulö unyâm.

Deuteronomi 21:21

Ke ame he tavat hia hnyi anyin taun ka luâ e ge veto me me mokcu: helâe u me he ka ohia hulö unyâm; kʼ ame he at Isaraela hia ka löng me ot.

Deuteronomi 22:21

me ödrin e he ka hom hlu kâ û ka hnyi hwanumen uma umen kamen, ke ame he aten anyin taun ka luâ e ge veto, me me mokcu: anyin a e ame ânyâ monu hnyi Isaraela, kʼ ame bi ûnyi monu hnyi hnyaban kamen: ke helâe u me he ka ohia hulö unyâm.

Deuteronomi 22:24

awe, öbun e he ka hum ödru ka hnyi homagouleny taun eling, me öbun e he ka luʼ ödru ge veto mʼ ödru me mokcu: haba hlu, me can e ame ca kuku ke e hnyi taun; ke haba baga, me can e ame okongo momo anyin ke at: helâe u me he ka ohia hulö ûnyi gam.

Deuteronomi 24:7

Adre me ne wâ ke at ame venâu liamekeiny mē a at Isaraela, ke ame ânyâ kâu helâ me ka at adre ûco, me ûco bi; awe ame he ka mokcu at venöu eling: helâe u me he ka ohia hulö unyâm.

Owisa 19:22

Ke ödrin e tiga osenyinâ je hnyekudrin, wâ bi, je aten taun, a je atö Belial, ödrin e tot igigilo uma, me kot hwanuma; me ha ka at ae tren uma, wale hingat, ka habe, Hom but jem at a he ka hnyi umâm uma, me me ûkhanöhmumköu thö.

Owisa 20:12

Ke haba je tribu anyin at Isaraela ödrin e kunâ tavat ka hnyi wanben tribu anyi Beniamina hia, he ka ha, ka habe, le unyi e ae kong adre ânyâ unyibun?

Owisa 20:14

Ke haba laku Beniamina ödrin e ûkhacaköu hnyi Gibea ûnyi hnyi je taun, he ka vat me lakon Isaraela.

I. Samuela 2:25

Ame ne kong ke at ka ke at, Khong ame he ka owisa kâu: ke ame ne kong at kö Iehova ie at ame he ka khöû hobi kâu? Ke so bi ödru me ca long hofuc hwan kamödru, anyin ae be he Iehova ka hlingʼ ödru.

I. Samuela 30:22

Me ame ha tavat ae kong hia me tavat Belial adre tha he me Davita, ka habe, Ca he otin ka khenâ ködrin ta je ûnyi adre sö wale otin e sö, anyin a ödrin e ca hnyi tha he mötin, ke so bi otin e he ka ve ham ka je baga je laöiödrin me je lakudrin mödrin e lili ödrin me he.