Owisa 20:1 - Iaai Bible 1901 (New Caledonia)

¹ ME haba lakon Isaraela hia thithö adre me he, me ame ûkhacaköu tavat helâ me at a khaca, hwân hnyi Dana ke ne o but hnyi Bere-seba, a tha ödra me hnyei Gileada, unyi Iehova hnyi Mizepa.

Owisa 20:1 ပူးပေါင်းရင်းမြစ်များ

II. Samuela 19:14

Ke e ame ohmehmela hnyekon at Juda hia thithö helâ me at a khaca; me adre me ûkhûnöng ka than me ha, ka habe, Hmetu ju me lathnyabaem hia thithö.

II. Samuela 2:9

me otilâ e ka than hon at Gileada, me Asuri, me Jezerela, me Eferaima, me Beniamina, me Isaraeli hia.

II. Samuela 24:2

Ke haba than ame ha kö Joab taben utbavat wale unyin, ka habe, He thö walang ka vheno hnyi wanben je tribu Isaraela hia, hwân hnyi Dana ke ne o but Bere-seba, me öbun e he ka aû tavat, me me khanö nya thö ûseiny tavat.

II. Samuela 3:10

he ka wia dökhu ûnyi hnyi lap anyi Saulo, me otilâ theron anyi Davita hon Isaraela me hon Juda, hwân hnyi Dana ke ne o but hnyi Bere-seba.

I. Je Than 5:5

Ke wâ bi, oge me ûnykûme bi nya he ka bi uma hobi kâu iö Iehova Khonguk, helâ me Iehova ame ha kö cica Davita, ka habe, Haba nokom oge me he ka bi uma hobi kâu iök.

II. Je Than 25:23

Kʼ a long ut je taben vat hia, ödrin me je atödrin a haba than Babulona ame otilö Gedalia, me ödrin e o kö Gedalia hnyi Mizepa, wale Isamaela nöku Nethania, me Johanana nöku Karea, me Seraia nöku Tanumeth at Netofa, me Jazania nokon at Maaka, ödrin me je atödrin.

I. Man Ûlabainy Je Than. 21:2

Ke haingö Davita ko Joab me je taben hnyei, ka habe, He thö ka aû at Isaraela hwân Bere-seba ke ne o but hnyi Dana; ke thumetu nya thö me me khanö nya ûseidrin.

II. Man Ûlabainy Je Than. 30:5

Me ödrin e otilâ hofuc he ka omanenâ hnyi Isaraela hia, hwân hnyi Bere-seba ke ne o but hnyi Dana, mʼ ödrin e he ka o ka hnyi paseka kö Iehova, Khongon Isaraela, hnyi Jerusalema: anyin adre me ca tuö ge tavat ae se helâji me hna sihnalimen.

Ezera 3:1

KE ame o but tehi a seveniny, ke e but lakon Isaraela hnyi anyidrin je taun, me haba tavat adre me ûkhacaköu hnyi Jerusalema helâ me at a khaca.

Nehemia 11:27

me Hazara-sual, me Bere-seba, me je tauniny,

Nehemia 8:1

ME haba tavat hia thithö ödrin e ûkhacaköu helâ me at a khaca hnyi dok ae lau cicö homagouleny an; ke ödrin e ha kö Ezera at sihnalimen he ka hom tusiny hnanyibu anyi Mose, waleji a hûna Iehova ka at Isaraela.

Jeremia 40:6

Me haba Jeremia ame he kö Gedalia nöku Ahikama hnyi Mizepa, me tha laba më unyin je kolon hnyi hnyei.

Numera 32:1

KE haba laku Reubena, me laku Gada ödrin e tren omeno ae se hia: ke ödra adre me wâ hnyei Jazera, me hnyei Gileada, me wâ bi, hnyei ae so hobi kâu ta je meno;

Numera 32:40

Ke Mose ame ham Gileada kö Makir nöku Manase; mʼ adre me labā e.

Josua 15:38

me Dilean, me Mizepa, me Joketheela;

Josua 17:1

KE walang jekhon tribu anyi Manase; anyin a e nöku Josefa a bân. Hobi kö Makir nöku Manase a bân, kamö Gileada, anyin a e at vat, me adre me ham me iny Gileada me Basana.

Josua 18:26

me Mizepa, me Kefira, me Moza;

Josua 22:12

Ke a long ut lakon Isaraela, me ame ûkhacaköu tavat hia a je lakon Isaraela hnyi Silo, he ka vat mödrin.

Josua 22:9

Me ame he hmetu je laku Reubena, me je laku Gada, me hafiny tribu Manase ge lakon Isaraela ûheny Silo hnyi hnyei Kanana, he ka he ka hnyi hnyei Gileada, ka hnyi idrin hnyei, wale ae hu gadrin, helâji me hna ha hnö Iehova a deny Mose.

Josua 4:13

Ame ne fâte thauzan adre hia but penapena hnân vat adre me hanyââû hnyi hnyimakö Iehova, he ka vat, ka hnyi je dok ae tha hon hnyi Jeriko.

Owisa 10:17

Ke ame ûkhacaköu laku Amona, me hunuma hnyi Gileada. Ke ame ûkhacaköu lakon Isaraela me hunuma hnyi Mizepa.

Owisa 11:11

Me haba Jefetha ame tha he me wahingatiny Gileada, me haba tavat adre me otilâ me me taben me ban hudrin: ke haba Jefetha ame ha hwan ta je hofuc hia hnyi hnyimakö Iehova hnyi Mizepa.

Owisa 11:34

Ke ame o thö Jefetha hnyi Mizepa ka hnyi hnyaban, me wâ bi, ame o thö nokon hlu he ka ukhanö mē, me je bwinybet me bibiâ: ke hake e thibi nokon, ke ba hmetu nokon baga me hlu.

Owisa 18:29

Ke ödrin e hwenyi ien taun Dana, hoton ien kamödrin Dana, wale a hnöku nöku Isaraela: ke so bi Laisi ien taun ehac.

Owisa 20:11

Me ame ûkhacaköu at Isaraela hia cicö taun, kʼ adre tha hnyok helâ me at a khaca.

Owisa 20:18

Ke ame todrö lakon Isaraela, me he Beth-ela ai, me elâm unyin Khong, me ha, ka habe, Hamö ia he ka bân me vat me laku Beniamina? Me Iehova ame ha, ka habe. Bân at Juda.

Owisa 20:2

Ke e manen hnyi ûkhacaköu anyin aten Khong je taben tavat hia thithö wale hnyi je tribuiny lakon Isaraela hia, a foa haded thauzan tavat adre me he hon kânâ me hok hele vat.

Owisa 20:26

Me ame he lakon Isaraela hia me tavat hia, me o hnyi Beth-ela, me tenge, me laba e hnyi hnyimakö Iehova, me ca han hnyi bong e ke ne o but sahac; me ödrin e hudo je hudiny leû, me je hudiny ûsoköu hnyi hnyimakö Iehova.

Owisa 20:8

Ke haba tavat hia thithö ödrin e tha tot helâ me at a khaca, me ha, ka habe, Ame ca he ke at gatin ka hnyi umen uma mano, ke ame ca he ke at gatin ka hmetu ka hnyi hnyaban.

Owisa 21:5

Ke haingen lakon Isaraela, ka habe, Ia hnyi je tribu anyi Isaraela hia ae tiga ca hnyi he ka hnyi ûkhacaköu kö Iehova, anyin a ödrin e hia but khemanyin hwege gan ae tiga ca hnyi he Mizepa ai kö Iehova, ka habe, Adre me he ka hlingâ e.

I. Samuela 10:17

Ke Samuela ame ûkhacaköuâ tavat kö Iehova hnyi Mizepa;

I. Samuela 3:20

Ke e khana but at Isaraela hia thithö hwân Dana ke ne o but Bere-seba a gʼ adre otilö Samuela thö me perofeta anyi Iehova.