Owisa 2:20 - Iaai Bible 1901 (New Caledonia)

²⁰ Me ame ubâhlâ thö hmonyin anyi Iehova ka at Isaraela; me e ame ha, ka habe, anyin a hia but tavat eang hanyâûâ anyik ûhi-hinyköu, waleji oge me hûna ka lakamödrin, me ca long hok hofuc;

Owisa 2:20 ပူးပေါင်းရင်းမြစ်များ

II. Samuela 24:1

KE ame ubâhlâ hmetu thö hmonyin anyi Iehova kö Isaraela, ke e ame kunö Davita ködrin he ka ha, ka habe, He thö ka aû at Isaraela me Juda.

Salamo 106:40

Anyin a wale, ame ubâhlâ thö hmönyin anyi Iehova ka lakeiny, Me e ame hûkotiâ jekhon.

Salamo 78:10

Adre me ca vheno hna ûhihinyköu me Khong, Kʼ adre höcö he ka vheno anyin hnanyibu;

Jeremia 31:32

ca helâ me ûhihinyköu eji oge ânyâ me lakamödra, waleji hnyi bong oge hom hnyamödra he ka su Ödra ûnyi hnyi hnyei Aigupito; ke adre me thamuâ anyik ûhihinyköu eja ke ne oge ne helâ me âiân baga kodra, haingö Iehova.

Ezekiela 20:37

Ke oge me he ka odili öbun hmelen uci, ke oge me he ka hum öbun ka hnyi ohmâiny ûhihinyköu;

Numera 32:13

Ke ame ubâhlâ thö hmönyin anyi Iehova ka at Isaraela, me e ame ohei ödra hnyi hnyebuba fâte je huna ke ne o but ame hia but tavat adre me ânyâ hulö hnyi hnyimakö Iehova.

Deuteronomi 32:22

Anyin adre hû meic hnyi anyik hmö nyin, Ke ame thong ke ne o but dok ae dit hmönyin, Me an hmeledrany me troban, Me thong ta je taben je bucen.

Josua 23:16

Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.

Owisa 10:7

Me ame ubâhlâ hmönyin anyi Iehova ka at Isaraela, me e ame ûcû ödrin ka hnyi hnyamen at Filisiti, me laku Amona.

Owisa 2:14

Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.

Owisa 2:19

Ke a mokcu at owisa, me Ödrin e hmetu me okongu ödrin bi hon hwakecin lakamödra me hnu hoton je khong me bi athnyabaidrin me khudrung ködrin; ke adre me ca degec anyidrin je huliwa me hwakecidrin ae ûjöng.

Owisa 3:8

Anyin a wale ame ubâhlâ hmonyin anyi Iehova ka at Isaraela, me e ame ûcû ödrin ko Kusani-risathaima than Mesopotamia: me lakon Isaraela adre me bi athnyabai Kusani-risathaima eit ta huna.