Owisa 2:17 - Iaai Bible 1901 (New Caledonia)

¹⁷ Ke ödrin e ca long ka tavat owisa kö drin, ke ödrin e bi ûnyi monu me je khong monu, me khudrung ködrin: ödrin logot saû ûnyi hnyi gethen a vheno lakamödrin waleji adre long hnanyibu anyi Iehova; ke ödrin e ca ânyâ bi helâe.

Owisa 2:17 ပူးပေါင်းရင်းမြစ်များ

Salamo 106:39

Waleling mʼ ödra kong bi ûnyi ge anyi dra ta je huliwa, Me bi ûnyi monu ge hnödra hna ânyâ.

Salamo 106:43

E ame omeli ödra hnyi ta je ûen ae se; Ke adre me ûkhin fuc hnyi anyidra ûhnenamö, Kʼ ame ohnyikönʼ ödra hnen hwakecidra ae monu.

Salamo 73:27

Anyin a wâ bi, ame he ka hia but tavat adre me ûsâkâûö möu; U je hia but ohiʼ ödra hia adre me bi ûnyi monu digic u,

Esodo 32:8

adre hia but ie saû ûnyi hnyi gethen waleji oge hûna ködra; kʼ adre hia but ânyâ hobi ködra nokon kau adre oköiâ, me khudrung kâu, me bi hut kâu, me ha, ka habe, Isaraela lö, walang khongom, at ame hum u ûnyi hnyi hnyei Aigupito.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Hosea 2:2

Ivino thö me hinyöbun, ivino thö; anyin a ca öiök ut e, ke ca âiân dut inya: ke so e ame degec anyin bi ûnyi monu ûnyi hnyi hnyimakan, me hnen hna venöu hnyi wanben li basin;

Levitiko 17:7

Ke adre me ca he hmetu ka hudo anyidra je hut ka je khong waleji adre me bi ûnyi monu mē. Wale hnanyibu nyiele balua ködra hnyi anyidra ta je dö.

Amosa 2:4

Walang hna ha hnö Iehova, ka habe, Can kun ta monuiny Juda, eke, can vak, oge me ca he ka ohavâ hwaban e; anyin adre hia but hna degecâ hnanyibu anyi Iehova, me ca tuö hnen je hna otilâ, ke ame omonu ödra anyidra je thoi, waleji a hnu hoton lakamödra:

Galatia 1:6

Oge me lâiâ anyin a öbun logot ûsâkâû öbun me at a hawʼ öbun ka hnyi ibetengiö baû anyin Keriso ka hnyi ke evangelia;

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

Deuteronomi 31:18

Ke oge me he ka ikhâlâ hnyimakök hnyi bong eling, can ta je hulö hia adre me he ka ânyâ, anyin a hnyimaködra bi ka ta je khong.

Deuteronomi 9:12

Ke Iehova ame ha könya, ka habe, Todrö, ie utut ûhem ang; anyin ae kong ut ânyâm tavat wale u je hom ûheny Aigupito; adre me saû logot ûnyi hnyi gethen waleji oge hûna ködra; kʼ adre ânyâ hobi ködra hnatheat adre oköiâ.

Deuteronomi 9:16

Me oge me bwele, ke wâ bi e kong hwakecibun kö Iehova Khongubun; kʼ öbun e ânyâ nokon kau adre oköiâ hobi köbun; kʼ öbun e logot saû ûnyi hnyi gethen waleji a hûna köbun Iehova.

Josua 24:24

Me ame ha tavat kö Josua, ka habe, Öhmun e he ka bi athnyabai Iehova Khonguta, me long hwan hofuc

Josua 24:31

Ke haba at Isaraela adre me bi athnyabai Iehova hnyi je bong hia bongu Josua, me je bong bongon wahingat a ûtangköu me Josua, hnyat adre hnyi wâ je huliwa hia anyi Iehova hobi kâu at Isaraela.

Owisa 2:7

Ke ame bi athnyabai Iehova tavat hnyi je bong bongu Josua hia, me hnyi je bong hia thithö bongon je hingat ae ûtangköu me Josua, tavat adre hia but hnyi wâ ta je huliwa hia thithö ae gan hmâ anyi Iehova, waleji e ame ânyâ hobi kâu at Isaraela.

Owisa 8:33

Ke ame mokcu Gideona, me ame hmetu lakon Isaraela, me bi ûnyi monu me je Baala, me wiö Baala-berith me me khongudrin.

I. Samuela 12:12

Ke öbun e wâ a ga o but köbun Nahasa, thaniny laku Amona, me öbun e ha könya, ka habe, Ohe, e so e hu than he ka musi kohmun: ke so bi Iehova me anyibun than.

I. Samuela 12:17

Hawa, ca ûen ang he ka meno hwit? Oge me he ka hongot kö Iehova, me e ame he ka kunâ hendreng me we; me me khanʼ öbun me wâhmakhmetoâ a e ti kong hwakecibun öbun e ânyâ hnyi hnyimakö Iehova, a ga sumatö tuhöbun.

I. Samuela 12:19

Ke ame ha tavat hia kö Samuela, ka habe, Bethe hic hobi kohmun a lathnyabaem kö Iehova Khongom, mʼ ohmun e ca be ka mokcu: anyin a ohmun e hia but bi hanen ka anyihmun ta je hulö hia ûnyi eang ae kong, he ka sumatö tuhömun.