Owisa 2:14 - Iaai Bible 1901 (New Caledonia)

¹⁴ Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.

Owisa 2:14 ပူးပေါင်းရင်းမြစ်များ

II. Samuela 24:1

KE ame ubâhlâ hmetu thö hmonyin anyi Iehova kö Isaraela, ke e ame kunö Davita ködrin he ka ha, ka habe, He thö ka aû at Isaraela me Juda.

II. Samuela 7:11

me helâji me ûen oge hwân ka kunâ hnyat owisa he ka musi ka lakeik a at Isaraela; ke oge me he ka omeno u ûnyi ge ta je iwahnaihmiony möu hia thithö. Ke haba khaca, Iehova ame thumetu u a gʼ ame he Iehova ka otilâ ânyâm lap.

II. Je Than 13:3

Me ame ubâhlâ thö hmonyin anyi Iehova ka at Isaraela, me e ame hnʼ ödra ka hnyi hnyamö Hazaela than Suria, me ka hnyi hnyamö Ben-adada nöku Hazaela hnyi je bong hia.

II. Je Than 17:20

Haba Iehova ame hna degecâ je mâtrâni Isaraela hia, me oveci ödrin, me hnʼ ödrin ka hnyi hnyamen tavat sei, ke ne o but e ame obʼ ödrin ûnyi hnyi hnyimakan.

II. Man Ûlabainy Je Than. 15:5

Ke haba hnyi je bong eling me ba hnahic ka tavat adre me didrut me didro, ke gan hmâ vec ködrin hia a aten ta je hnyei.

II. Man Ûlabainy Je Than. 28:5

Anyin a wale haba Iehova Khongon ame hna e ka hnyi hnyamen than Suria; mʼ adre me kot e, me hom hwenbâ je hnyat ae se hia a lakeiny, me hum ödrin Damaseko ai. Ke adre me hna e minya ka hnyi hnyamen than Isaraela, at a kot e, me gan hmâ hna hlingâ.

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Nehemia 9:27

Anyin a wale u je hnʼ ödrin ka hnyi hnyamen je iwahnaihmiony mödrin, tavat adre me oveci ödrin: ke haba hnyi ûen vec ödrin e tenge köu, me u me long hnyi drany; ke ûnyi hnyi ânyâm betenge ae gan hmâ, me u me ham ködrin tavat he ka omeli ödrin ûnyi hnyi hnyamen je iwahnaihmiony mödrin.

Salamo 44:11

U je hia but hnʼ ohmun helâ me je mamoe hnân ban; Me ovesei ohmun dut hnyi wanben ta je hnyei.

Salamo 44:12

U je ûco lâtâm ke ba troban, Me u je ca bi hanen ka omjehem ge hwabödra.

Isaia 42:24

Ia hnö Jekob mʼ adre me söh, me Isaraela ka tavat venöu? hawa, ca hnö Iehova? waleji at ate me ânyâ hulo kâu, ke adre me höcö he ka vheno deny je gethen, ke khaca adre me ca long bi anyin ta je hnanyibu.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Jeremia 37:10

Anyin a eja ke ne öbun e ne hia but kot utbavat a at Kaledaia tavat adre me vat möbun, ke hu aat dö ge je kolon gadra, adre me he bi ka ve tot hnyi umödra je uma mano, me thong taun ang ge meic.

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Levitiko 26:37

Ke ame he ke at ka ta hon ke at helâ me tavat kec ge hele vat, ke ba at ame hnu: ke ame he ka ba manibun man he ka tot hnyi hnyimakan je iwahnaihmiony möbun.

Numera 32:13

Ke ame ubâhlâ thö hmönyin anyi Iehova ka at Isaraela, me e ame ohei ödra hnyi hnyebuba fâte je huna ke ne o but ame hia but tavat adre me ânyâ hulö hnyi hnyimakö Iehova.

Numera 32:14

Ke wâ bi, öbun e o biju hwaban lakamöbun, a hanen tavat ae kong, he ka ogânâ hmönyin ae gan anyi Iehova kö Isaraela.

Deuteronomi 28:20

Ame he Iehova ka kunâ köu hnaûhango, me vec, me û, hnyi ta je ûnyi u me ip hnyamâm kâu he ka ânyâ ke ne o but u me mok me ke ne o but u me ie hia but; can hulöiny ânyâm je huliwa u me digic nya hnyin.

Deuteronomi 28:25

Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.

Deuteronomi 28:58

U je ne ca he ka wâ wia he ka ânyâ ta je hofucin hia hnanyibu wale adre sihnalimen hnyi tusi ang, me u me outen ien ae hmânenang me hnân outen, wale Iehova Khongom;

Deuteronomi 32:30

Ama kâmâu at a khaca he ka hnu thauzan, Me okecâ ten thauzan ge li at a lo, Ame ne ca bân anyidra Kic ka ûco degeci ödra, Me hna degeci ödra hnö Iehova?

Josua 23:16

Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.

Owisa 1:19

Ke o bi Iehova unyi Juda; me e ame obâ tavat odrin e laba hnyi hnyei ae hut; ke ca khana bi he ka obâ tavat odrin e laba hnyi hnyigöulen bucen, anyin ae hu gadrin je kariota fao.

Owisa 1:34

Ke haba at Amora, odrin e khöbwe at Dana ka hnyi hnyei ae hut: kʼ adre ca hnʼ odrin he ka utut ka hnyi hnyigöulen bucen:

Owisa 10:7

Me ame ubâhlâ hmönyin anyi Iehova ka at Isaraela, me e ame ûcû ödrin ka hnyi hnyamen at Filisiti, me laku Amona.

Owisa 2:20

Me ame ubâhlâ thö hmonyin anyi Iehova ka at Isaraela; me e ame ha, ka habe, anyin a hia but tavat eang hanyâûâ anyik ûhi-hinyköu, waleji oge me hûna ka lakamödrin, me ca long hok hofuc;

Owisa 3:12

Ke ame ânyâ hmetu bi ûnyi ae kong hnyi huyimakö Iehova lakon Isaraela: ke Iehova ame siwhegiö Egelona than Moaba ka at Isaraela, can ödrin e ânyâ ûnyi ae kong hnyi hnyimakö Iehova.

Owisa 4:2

Ke haba Iehova ame ûcû ödrin ka hnyi hnyamö Jabin than Kanana, at ame musi hnyi Hazora; ke Sisera taben anyin vat, at ame! laba hnyi Haroseth hnyi je hnyei.