Owisa 2:11 - Iaai Bible 1901 (New Caledonia)

¹¹ Ke haba lakon Isaraela ödrin e ânyâ ûnyi ae kong hnyi hnyimakö Iehova, me bi athnyabainy je Baala:

Owisa 2:11 ပူးပေါင်းရင်းမြစ်များ

Genese 13:13

Ke e kong at Sodoma, ke beönua anyidra monu hnyi hnyimakö Iehova.

Genese 38:7

Ke at ae kong Era noku Juda hnyi hnyimakö Iehova; ke Iehova ame hlingâ.

I. Je Than 11:5

Anyin a Solomona ame hnu hotu Aseira khong momo anyin at Zidona, me Milekoma ae ikiki anyin at Amona.

I. Je Than 18:18

Ke e ame thu, ka habe, Oge me ca omonoâ at Isaraela, ke so bi ûnyi gam me lap anyin kâmâm, waleji hnyi hnobun hna hna degecâ je hnanyibu anyi Iehova me hnu hoton bi je Baala.

I. Je Than 22:53

Ke e ame bi athnyabai Baala, kʼ ame khudrung kâu, me ame okûâ hmonyin anyi Iehova, Khongu Isaraela, hoton hna ânyâ hia hnen kamen.

II. Man Ûlabainy Je Than. 28:2

ke so bi e ame vheno gethen deny je than Isaraela, me ânyâ je idola adre oköiâ hobi kâu Baala.

II. Man Ûlabainy Je Than. 28:3

Ke haba khaca e ame leû utö ae bo so hnyi hnyigöulen bucen anyin lakon Hinom, kʼ ame thong lakon bi ge meic, hoton je hwakecin ae ikiki anyin je wanaithila waleji a obâ Iehova hnyi hnyimakan lakon Isaraela.

II. Man Ûlabainy Je Than. 33:6

Ke e ame kunâ minya lakon he ka he hnyi wanben meic hnyi hnyigöulen bucen anyin nöku Hinom, me e ame bihihwakecin, me biobotkong, me bi khong, me elâm unyin tavat ae tren biobotkong, me tavat bi khong: e gan hmâ hulo e ame ânyâ hnyi hnyimakö Iehova, me ohmönyinâ e.

Ezera 8:12

Ke hanen je laku Azegada, Johanana noku Hakatan; ke tha e me obaga a wan haded ke ten.

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Salamo 78:56

Ke so bi adre me cubec me ûkhin fuc me Khong ae Beönua, Me ca vheno bi hnen je hna ohnatho.

Jeremia 11:10

Adre me hmetuhmetu but ka je hulo anyin lakamödra waleji adre me höcö long hok ta je hofuc; ke adre me hnu hoton ke je khong he ka bi athnyaba ködrin: a hia but lap anyi Isaraela me lap anyi Juda thamuâ ûhihinyköu, waleji oge khemanyinâ ka lakamödra.

Jeremia 16:11

me u me he bi ka ha kodra, ka habe, Can lakamöbun ödrin e hna degeci nya, haingö Iehova, me hnu hoton je khong, me bi athnyaba ködrin, me khudrung ködrin, ke adre me hna degeci nya bi, me ca tuö bi anyik hnanyibu;

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 2:23

U ma kâmâu he ka ha, ka habe, Iny ca monu, kʼ oge me ca hnu hoton ta je Baala? wâ ju dem gethen hnyi hnyigöulen bucen, khanö u thö hnâm hna ânyâ: u nak kamela ame he logot, ame he monu hnyi dem gethen:

Jeremia 32:23

ke adre me o ka hnyin, me labā e; ke so bi, adre me ca löng hwâm hofuc, ke adre me ca vheno bi ânyâm je hnanyibu; ke adre ca ânyâ ke ûnyi hnyi je ûnyi hia thithö u je hûna kodra: anyin a wale, u me oâ kodra ta je ûnyi hia eang ae kong:

Jeremia 9:14

ke adre hia but hnu hoton ihwegien hnyekudra, me je Baala, waleji a nʼ ödra hnen laka-mödra:

Numera 25:3

Ke haba at Isaraela adre me ûkhacaköu unyi Baala-peora: me ame ubâhlâ thö hmönyin anyi Iehova ka at Isaraela.

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

Deuteronomi 4:25

Ke e ka hu lakom me laöbem, ke beû ulabaibun hnyi hnyei, kʼ öbun ka okongu öbun bi, me bi hnatheat, he ka oûco ke ûnyi, me ânyâ ûnyi ae kong hnyi hnyimakö Iehova Khongom, me ohmönyinâ:

Owisa 10:10

Haba lakon Isaraela ödrin e tenge kö Iehova, me ha, ka habe, Ohmun e hia but ânyâ hulö köu, wale ohmun e hna degecâ Khonguhmun, me bi athnyaba bi ka je Baala.

Owisa 10:6

Ke haba lakon Isaraela adre me ânyâ hmeto bi ûnyi ae kong hnyi hnyimakö Iehova, me bi athnyaba ka je Baala, me Aseira, me je khongon Suria, me je khongon Zidona, me je khongon Moaba, me je khongon laku Amona, me je khongon at Filisiti; ke adre me digic Iehova me ca bi athnyabainy.

Owisa 13:1

KE haba lakon Isaraela adre me ânyâ hmetu hwakecin ae kong hnyi hnyimakö Iehova; me Iehova ame hnʼ ödra ka hnyi hnyamen at Filisiti hnyi je huna a fâte.

Owisa 3:12

Ke ame ânyâ hmetu bi ûnyi ae kong hnyi huyimakö Iehova lakon Isaraela: ke Iehova ame siwhegiö Egelona than Moaba ka at Isaraela, can ödrin e ânyâ ûnyi ae kong hnyi hnyimakö Iehova.

Owisa 3:7

Ke haba lakon Isaraela adre me ânyâ hulö hnyi hnyimakö Iehova, me hnying Iehova Khongudrin, me bi athnyabainy je Baala me je Aseira.

Owisa 4:1

KE haba lakon Isaraela adre me ânyâ hmetoâ ûnyi ae kong hnyi hnyimakö Iehova, ke a mokcu Ehuda.

Owisa 6:1

KE haba lakon Isaraela adre me ânyâ ûnyi ae kong hnyi hnyimakö Iehova: me Iehova ame hnʼ ödra ka hnyi hnyamen at Midiana hnyi je huna a seven.

Owisa 6:25

Ke haba hnyi lit eling Iehova ame ha kâu, ka habe, Hom dö bolok haleny kâmâm, a bolok a loiny wale at a seven hunainy, me kia but taben hut kö Baala anyin kâmâm, me subâ degecâ but Aseira walethö hon e:

Owisa 8:33

Ke ame mokcu Gideona, me ame hmetu lakon Isaraela, me bi ûnyi monu me je Baala, me wiö Baala-berith me me khongudrin.

I. Samuela 12:10

Ke ödrin e tenge kö Iehova me ha, ka habe, Ohmun e hia but monu, anyin a ohmun e hia but hna degeci Iehova, me bi athnyaba ka je Baala, me Aseira: ke u me he walang ang ka omeli ohmun ûnyi hnyi hnyamen je iwahnaihmiony möhmun, mʼ ohmun e he ka bi athnyabaem.

I. Samuela 7:3

Ke Samuela ame ha ka lap anyin at Isaraela hia, ka habe, Öbun e ne hmetu kö Iehova me hnyekubun a khaca, awe, degec ut je khong kanyua me Aseira unyibun, me penapena je hnyekubun kö Iehova, me bi athnyaba thibi kâu: ke e ame he ka omeli öbun ûnyi hnyi hnyamen at Filisiti.

I. Samuela 7:4

Me haba lakon Isaraela ödrin e degec je Baala me Aseira, me bi athnyaba thibi kö Iehova.