Owisa 2:1 - Iaai Bible 1901 (New Caledonia)

¹ KE ame o hnyi Bokim ûheny Gelegala angela anyi Iehova. Me e ame ha ka habe, Oge me kunʼ öbun ûheny Aigupito, me hum öbun ka hnyi hnyei waleji oge khemanyin ka lakamöbun; ke oge me ha, ka habe, Oge me ca he balua ka oûnyibâûâ anyik ûhihinyköu möbun:

Owisa 2:1 ပူးပေါင်းရင်းမြစ်များ

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 16:13

Haba momo ame hwenyi iö Iehova at ame fuc kâu, ka habe, U thibi Khong at ame wâ: anyin a haingen, ka habe, Hawa oge hap wâ ju ang at ame ö nya?

Genese 48:16

waleji angela at ame omeli nya ûnyi hnyi ta je kong hia, e so e ame ohnahica li thöth; ke so adre ip hudru iök, me ien lakamök Aberahama, me Isaaka; ke so ödru me he ka ti si eang hmelen.

Salamo 89:3

Oge hia but ûhihinyköu me hnok hna ûca, Oge hia but khemanyin kö Davita athnyabaik, ka habe,

Salamo 89:34

Oge me ca he ka oûnyibaûâ anyik ûhihinyköu, Ke oge me ca he ka wia hofuc ame he but ûnyi hnyi li esongodik.

Esodo 14:14

Ame he Iehova ka vat sing öbun, kʼ öbun e he ha laba hayibû.

Esodo 14:19

Ke haba angela anyin Khong, at ame bân hnyi hnyimakan at Isaraela, ame biliny jut hotudra; ke haba ûlâ at ame tot wisa hnyi hnyi-maködra, e ame hwiö me tot hotudra:

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 23:20

Wâ bi, inya oge me kunâ angela he ka bân hnyi hnyimâkâm he ka tuö u eû hnyi gethen, me hum u ka hnyi dok oge hia but penapena.

Esodo 33:14

Ke e ame ha, ka habe, Ötu tha he, ke oge me he ka omeno u.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Jeremia 14:21

Ca he bi ka ikiki ohmun, ûnyi hnyi iâm; ca he ka okongoâ theroniny ânyâm hmanenang: ûnykûme ju, ca he ka thamuâ ânyâm ûhihinyköu möhmun.

Levitiko 26:42

awe, oge me he ka ûnykûme hnok hna ûhihinyköu me Jekob; me hnok hna ûhihinyköu me Isaaka; ke oge me he ka ûnykûme hnok hna ûhihinyköu me Aberahama; ke oge me he ka ûnykûme ka hnyei.

Levitiko 26:44

Ke so bi eja ke ne a ne helâe, ke ka odrin bi hnyi hnyei iny je iwahnaihmiony mödrin, me oge me ca he ka digic odrin me hûköti odrin, me ti ohiʼ odrin, me thu hnok hna ûhihinyköu mödrin: anyin a inya Iehova Khongudrin:

Zakaria 11:10

Ke oge me hom anyik uci wale Hmanenang, me thu e, mʼ oge me he ka ohmetro ûhihinyköu, waleji oge me ânyâ me ta je hnyei hia.

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Numera 14:34

Helâ me ûseiny je bong öbun e ecmâkâ hnyin hnyei, a fâte je bong, me haba khaca bong ame he ka khaca huna, kʼ öbun e he ka hijen tilâ anyibun hulö, hnyi je huna a fâte, ke öbun e he ka wâhmakhmetoâ hnok hna hwio.

Deuteronomi 1:8

Wâ bi, oge hia but ip hnyei hnyi hnyimaköbun: he thʼ öbun me labā hnyei waleji ame khemanyin ka lakamöbun, a Aberahama, me Isaaka, me Jekob, he ka ham ködrin, me je mâtrânidrin hwabödrin.

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 7:9

Khanö u thö a Iehova Khongom, e thibi Khong; Khong ae hnathu, at ame tuö ûhihinyköu me ibetengiö ka tavat adre me hnyok kâu, me tuö anyin je hna hûna ka ta je dö a thauzan;

Josua 3:10

Ke haingö Josua, ka habe, Walang haten mʼ öbun e he ka wâ a e bi unyibun Khong ae möt, kʼ ame he ka ti obâ hnyi hnyimaköbun at Kanana, me Heth, me Hivi, me Perizi, me Girigasa, me Amora, me Jebusi.

Owisa 11:24

Hawa, u me ca he ka labā hnyei a ham köu he ka labā ga Kemosa a khongom? Me haba ohmun, me ohmun e he ka hom iny tavat hia waleji a obâ Iehova Khonguhmun hnyi hnyimaköhmun.

Owisa 13:2

Ke wale ke at at Zorea hanen lap anyin at Dana, Manoa ien; ke toûnyi âiân, kʼ ame ca hnokoâ bi.

Owisa 13:3

Ke ame manen dut angela anyi Iehova ka momo, me ha kâu, ka habe, Wâ bi, u toûnyi walang ang, me ca hnokoâ bi; ke so bi u me he ka erkin, me hnokoâ da.

Owisa 2:5

Me adre me hwenyi ien dok eling, me, Bokim: ke ödrin e bi hut eling kö Iehova.

Owisa 6:8

me Iehova ame kunâ perofeta ka lakon Isaraela; me e ame ha ködra, ka habe, Walang hofuc ho Iehova Khongon at Isaraela, ka habe, Oge me lili öbun ûheny Aigupito, me hum öbun ûnyi hnyi hnyaba ae Uthaluo;