Owisa 19:22 - Iaai Bible 1901 (New Caledonia)

²² Ke ödrin e tiga osenyinâ je hnyekudrin, wâ bi, je aten taun, a je atö Belial, ödrin e tot igigilo uma, me kot hwanuma; me ha ka at ae tren uma, wale hingat, ka habe, Hom but jem at a he ka hnyi umâm uma, me me ûkhanöhmumköu thö.

Owisa 19:22 ပူးပေါင်းရင်းမြစ်များ

I. Je Than 21:10

ke ip ju li at a li at Belial hnyi hnyimakan, he ka bi fuco e, me ha, ka habe, U je bi gan ka Khong me than. Me hwaban thö e, hom dö e, me lûâ ge veto me me mokcu.

Ezekiela 16:46

Ke haba tuhâm Samaria, e me je lakon adre me laba hnyi ke keihen a men: ke haba kem a wakeiat at ame laba hnyi ke keihen a metâm, jia Sodoma me lakon wahlu.

Hosea 10:9

Isaraela lö, u je hia but ânyâ hulö hwân hnyi je bong bongu Gibea: adre me tot eling, me me ca he ka khöû ödra hnyi Gibea hnen vat me lakon hulö.

Hosea 9:9

Adre me ka oikiki ödra, helâji me hnyi je bong bongu Gibea: ke e ame he ka ûnykûme hwakecidra ae kong, me bi hwabananyidra je hulo.

I. Korinito 6:9

Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

II. Korinito 6:15

Ke ame he ka hawa ka tha hnyok Keriso me Belial? ke ame he ka kâmâu ka tha jekhon at labageju me at ame ca labageju bi?

Deuteronomi 13:13

A he but ke je hnyat ae kong ûheny unyâm, ke ödrin e hia but thang aten anyidrin taun, me ba, ka habe, E so ötin e he ka bi athnyabainy ke je khong ae ca khanʼ öbun;

Juda 1:7

Helâ me Sodoma me Gomora me je taun igigilo adre me tha hwakecidra me bi ûnyi monu, kʼ adre me hnu hoton ke je unyin bi, me adre me ip ödra hnân haten, kʼ adre me hângʼ ödra ka hnyi meic ame ca he bi ka mok.

Owisa 16:25

Ke ame senyin dut je hnyekudrin, me ödrin e ha, ka habe, Hawo Samasona me me ûhiö kötin. Me ödrin e hum Samasona ûnyi hnyi kalebus; me e ame ûhiö ködrin: ke ödrin e otilâ e hnyi wanben je hmolom.

Owisa 20:5

Ke ame todrö könya obagainy Gibea, me tot igigili nya hnyi uma hnyi hnyinghet; ke ödrin e ûnykûme he ka hlingö nya, me ödrin e okongo anyik momo, me ame mokcu.

Owisa 20:6

Me oge me hom anyik momo, me susubâ, me kunâ e ka hnyi je hnyei hia iny at Isaraela: anyin a ödrin e ânyâ ûnyi ae ikiki me monu hnyi Isaraela.

I. Samuela 1:16

U me ca he ka ûnykûme a atö Belial inya athnyabaem a momo: anyin oge me fuc ke ne o but walang ang ûnyi hnyi ûganiny hmakiny hnyekuk me hna oveci nya.

I. Samuela 10:27

Ke ame ha ke je laku Belial, ka habe, Ame he ka kâmâu hna omeli otin at eji? Me ödrin e hûkötiâ e, ke ödrin e ca hom kâu je bwihlany. Ke e bi ame laba hnyibû.

I. Samuela 2:12

Ke haba li laku Eli me li laku Belial; ke ca khanʼ ödru Iehova.

I. Samuela 25:25

Ö u ca he tuhok ka ti ûnykûme ge at e, a atö Belial, jia Nabala: e ûcû ien mē; Nabala ien bi, ke monu ame laba unyin: ke inya athnyabaem oge ca wâ ânyâm je hidröu, wale u je kunâ.