Owisa 19:16 - Iaai Bible 1901 (New Caledonia)

¹⁶ Ke wâ bi, wale ke hingat ame o ûheny hnyi anyin huliwa hnyi ta hnyei hnyi sahac; haba at eling aten hnyei ae hut hnyi Eferaima, ke ame laba kanyua hnyi Gibea: ke so bi at Beniamina, je aten taun.

Owisa 19:16 ပူးပေါင်းရင်းမြစ်များ

Genese 3:19

ke u me he ka han ûnyi ge khuniny hnyimâkâm, ke ne o but ûen u me he ka hmetu ka hnyi kânâ; anyin adre hum u ûnyi hnyin e; anyin a u sesâiny kânâ, ke u me he ka hmetu hmetu ka knyi sesâiny kânâ.

Salamo 104:23

Ame he but at he ka huliwa Me ânyâ hudrân ke ne o but sahac.

Salamo 128:2

U me he ka senyin me hnahic; Anyin a u me he ka an troban huliwa anyin li hnyamâm.

Ta je Vejec 13:11

Haba omjeû adre me ie hom, me ame he ka hia tot bi: Kʼ ame he ka osehia hnen at ame ûkhöûnâ deny huliwa.

Ta je Vejec 14:23

E hu troban hnyi ta je huliwa hia: Ke haba ifucin li esongot me ame hake ûötheduoci.

Ta je Vejec 24:27

Penapena ju ânyâm huliwa eû, Ke hnakânâ wia e hobi köu bi hnyi hnyot; Ke hwaban e, u me he ka op umâm uma.

At Khet 1:13

Ke oge me kong hnyekunâ he ka elâm me hnö a deny metâ, ta je ûnyi hia adre me ânyâ hnyi hmeledrany: e hmak hmonyin huliwa Khong ame ham ka lakon tavat he ka huliwan.

At Khet 5:12

E senem hna mokut ka at huliwa, kʼ ame ne han gan ame ne ûhnyûkong: ke ca khana at tren omjeû he ka mokut, can ae ti unöngöt hnyekon.

Hosea 9:9

Adre me ka oikiki ödra, helâji me hnyi je bong bongu Gibea: ke e ame he ka ûnykûme hwakecidra ae kong, me bi hwabananyidra je hulo.

Efeso 4:28

Haba at ame venöu, ca he hmetu bi ka venöu: ke so bi e ame he ka huliwa, me ânyâ ge li hnyamen ûnyi ae so, me me hu kâu hnân he ka ham ka at ae theduoc.

II. Thesalonika. 3:10

Anyin a tiga öhmun bi unyibun, walang hnöhmun hna ha, ka habe, A ne höcö ke at he ka hnyi huliwa, awe, e ame ca he ka hnyi han.

Owisa 19:1

KE haba hnyi je bong eling ae ba than hnyi Isaraela, me hu ke at Levi ame laba kanyua hnyi ke keihen hoton hnyei ae hut hnyi Eferaima, at ame hom anyin momo ûnyi hnyi Bethe-leema-juda.

Owisa 19:14

Ke ödrin e he bala bi; ke ame dit ködrin seûno hnyi Gibea hnyi Beniamina.

Owisa 19:15

Ke ödrin e saû kâ e, he ka mokut hnyi Gibea: ke e ame didro me laba hnyi getheniny taun: anyin ae ba at ame haw ödrin ka hnyi umen uma he ka mokut.

Owisa 19:17

Ke e ame bwele me wâ hnyi getheniny taun at ûheny hnyi hna he; ke haingen hingat, ka habe, u me he kâ? ke ûhem ua?