Owisa 18:7 - Iaai Bible 1901 (New Caledonia)

⁷ Me ame he but hnyat a ödrin faiv, me o hnyi Laisi, me wâ tavat hnyin e a ödrin e laba so helâ me at Zidona, a hnahic ut me khötkic; anyin ae ba at musi hnyi hnyei me me thawâ ta je ûnyi, he ka oh-mehmʼ ödrin hnyi ta je ûnyi; ke ödrin e ûsâkâûö me at Zidona, ke ba ûnyi anyin ke at ka ke at.

Owisa 18:7 ပူးပေါင်းရင်းမြစ်များ

I. Je Than 1:6

Ke ame ca ohmakâ e hnen kamen hnyi ta je ûen ehac, me ha kâu, ka habe, Ieû gam u me ânyâ helâng? ke e at ae ti hmanenang; ke adre hnokoâ e hwabö Abasoloma.

I. Je Than 16:31

Ke helâke e hâhâ kâu waleji hnen hna vheno je hulö anyi Jeroboama nöku Nebata, me e minya bi ame hum Jezebela nöku Ethebaala thaniny at Zidona, me âiân, me e ame he me bi athnyaba kö Baala, me khudrung kâu.

I. Man Ûlabainy Je Than. 4:40

Ke ödrin e wâ hna önying ae hlau me so, ke hnyei ae lau, me laba wia, me hnahic; anyin a haba ehac ame laba eling ke je atö Hama.

Jeremia 49:31

Todrö, ke he thʼ öbun ka hnyi hnyei ame laba so, kʼ adre me labā ke ba hmak, haingö Iehova, tavat ae ba hlinginy hwanuma me ohmâiny, kʼ adre me hake laba.

Roma 13:3

Anyin a haba tavat musi, me ca hnân ootâ bi at ame mâdrâ so, ke so bi at ame mâdrâ monu. Hawa, e wem u me ca he ka outen at ame musi? ânyâ thö hwakecin ae so, me wale ûnyi ame he ka haisoi u:

Josua 19:47

Me adre me umo hnyigöulen laku Dana e hotudrin: anyin a haba laku Dana ödrin e he me vat me Lesem, me hûgûnâ e, me kot e ge hele vat, me hom e, me labā e, me hwenyi ien Lesem, me Dana, hoton iö Dana a kamödrin.

I. Peteru 2:14

ame ne ka ta je gavena, tavat e ame kunâ he ka bi hwaban ka tavat adre me ânyâ monu, me hnân ogânâ tavat adre me ânyâ so.

Hna Omanenâ 18:7

E gan hmâ hnen hna hamen ogânâ e bi, me ka osenyinâ unyin, awe, ânyâ thö kâu helâe ge vec me hlöuhlöu: anyin a haingen eû hnyi hnyekon, ka habe, Inya oge me laba a momo than, kʼ iny ca safac bi, ke oge me ca he ka wâ hlöuhlöu.

Owisa 18:29

Ke ödrin e hwenyi ien taun Dana, hoton ien kamödrin Dana, wale a hnöku nöku Isaraela: ke so bi Laisi ien taun ehac.

Owisa 18:6

Ke ame ha ködrin at bihut, ka habe, He thö me hnahic: e hnyi hnyimakö Iehova debun gethen öbun e he ka vheno.

Owisa 18:8

Ke ödrin e o but ka je liamekeiny mödrin hnyi Zorea me Esetaol; me ame ha ködrin je liamekeiny mödrin, ka habe, Hawa gabun?

I. Samuela 3:13

Ke oge hia but ha kâu a oge me he ka owisa anyin lap nyiele balua, can monu e ame wâ, anyin a lakon ödru me oâ hnaûhango ködru bi, ke e ame ca thaw ödru.